ცოჸუ
| ცოჸუ | ||||||||
|---|---|---|---|---|---|---|---|---|
 |
||||||||
| მენცარული კლასიფიკაცია | ||||||||
|
||||||||
| ლათინური ჯოხო | ||||||||
| Sciurus | ||||||||
| თხილუაშ სტატუსი | ||||||||
|
|
ცოჸუ (ლათ. Sciurus) — ბჟაშუმუ ჩხოლარეფიშ გვარი ცოჸუშობურეფიშ ფანიაშე. ცოჸუშ რსხულიშ სიგჷრძა რე 20-32 სმ, წონა — 180-1000 გ. ჩხოლარს შხირი, ბუტყატყია (კანკალეს) ბოწოწი უღუ. დორხველი გვარიშ — Sciurus-იშ მოხ, ცოჸუეფი უჯოხონა თაშნეშე ცოჸუშობურეფიშ ფანიაშ თელი რანწკი წჷმმარინაფალეფშა: ჭითა ცოჸუ, პალმაშ ცოჸუ დო შხვა მიარე გვარშე. მუთ ოწაწჷ დორხველ გვარს — Sciurus-ისინ, თინა აკმაშქვანს 29 გვარობას, ნამუეფით გოფაჩლი რე ევროპას, ოორუე ამერიკას, ობჟთე ამერიკას დო აზიაშ ზჷმიერ ორტყაფუს, თარო ტყალეფს.[1] საქორთუოს აკლიმატიზაფილი რე რჩქვანელობური ცოჸუშ (ლათ. Sciurus vulgaris) ჟირი გიმენგვარობა: ალთაური ცოჸუ (ლათ. Sciurus vulgaris altaicus) დო ტელეუტური ცოჸუ (ლათ. Sciurus vulgaris exalbidus). მოლენკავკაციური ცოჸუ (ლათ. Sciurus anomalus) საქორთუოს ირდიხას რე გოფაჩილი. ორეუე შანულობა ვაუღუ.
ლიტერატურა
რედაქტირაფა- ავალიანი რ., ქორთული სხუნუეფიშ ენციკლოპედია, ტ. 11, ხს. 234, ქართი, 1987 წანა.
სქოლიო
რედაქტირაფა- ↑ Thorington, R.W., Jr.; Hoffman, R.S. (2005). "Genus Sciurus". In Wilson, D.E.; Reeder, D.M. Mammal Species of the World: A Taxonomic and Geographic Reference (3rd ed.). Johns Hopkins University Press. pp. 758–765.