ჯავახეთიშ გაბარი

ჯავახეთიშ გაბარი — ვულკანური გაბარი ობჟათე საქორთუოს.

ეგაფილი რე ეფუზივეფით. ჟიდოხის მოდვალირი რე ჟილენპლიოცენური დოლერიტული გოფიჩუეფი, ნამუდგაშ ოსხირს ნეოგენური გოდერძიშ ვულკანოგენური რანწკი რე. აკან-აკანო მოდვალირი რე ტობურ ნოლექეფი. რელიეფის გოპატჷნაფილ რე 1500-2200 მ სიმაღალაშა ეზინდილ დჷკიეფი, ნამუეფით გართულებურ რე ტობამ დო ჭყონჭყოამ ტობაშ-ქვაბეფით დო წყარმალუეფიშ კანიონიშობურ ლეხერეფით. გაბარიშ ოორუე დო ობჟათე-ბჟადალ ნორთის გოვითარაფილი რე სუკეფამ-ლეხერაფამ რელიეფი მინჭკვალ ლავეფიშ ოსხირშა (აზმანიაშ, მურაკვალიშ, ტაბისყურიშ სუკეფი, კოდალაშ, ჟიმოლენი ქციაშ ლეხერეფი, ტაბისყურიშ ქვიბი).

ჰავა გჷნმალი რე კონიერო ლამეშე გვალონაშ სქჷრე კლიმატშა. ზოთონჯი მორჩილთირამი დო ჸინი უჩქჷ. ოშქაშე წანური ტემპერატურა 4-6°C, ღურთუთა -5, -10°C, კვირკვე 15-16°C; აბსოლუტური მინიმალური -34°C, -41°C, აბსოლუტური მაქსიმალური 30-35°C. ნოლექეფი 600-750 მმ წარმოწანას.

ჰიდროგრაფიულ რშვილს აკმოქიმინუნა წყარმალუეფი (მტკვარი, ფარავანი, ქცია, ბარალეთისწყალი დო შხვ.) დო ლავური ვოკლუზეფი. წყარმალუეფს ჟიმოლენ მალუობას მორჩილ ლაფა უღუნა, თუდონს — დიდი. ტობეფიშ უმენტაშობა გჷშმალი რე დო ლიგე, ხვალე კარწახიშ ტობას რე მოწყითუე წყარი. წყუეფს ახასიათენს დიდი დებიტი, დაბალი ტემპერატურა დო ლიგე წყარი.

მოდვალირი რე გვალაშ სტეპური ჩანარობა დო დოლოშ ოდიარეეფი. ექი-აქო ხელობური ტყალეფი რე. ფლორა დო ფაუნა დიდარი რე ბორეალური ელემენტეფით. ჩხოლარეფშე ხე: ტურა, მელა. რე გნოლი, კავკაციური კვათარა, კოკობე, ჭყორი, კასპიური შურთხი, ტყარი კვატა, ტორონჯი დო შხვ. ტობეფს დო წყარმალუეფს ბრელი რე ჩხომი (კალმახა, ქაშაპი, ხრამული, ფრიტა, კობრი, მტკვარიშ წვერენდია დო შხვ.).

ჯავახეთიშ მტკვარი ფარავანიშ ტობაწკჷმა
ლანდშაფტი ფარავანიშ ტობაწკჷმა
ჯავახეთი. ლანდშაფტი
ჯავახეთიშ მტკვარი ნაისაწკჷმა
ლანდშაფტი ოფუტე ბარალეთწკჷმა

ლიტერატურა

მარუაშვილი ლ., ქორთული სხუნუეფიშ ენციკლოპედია, ტ. 11, ხს. 525, ქართი, 1987 წანა.
კუკური მეტრეველი, ჯავახეთი^{[ღურელი რსხილი]}, თბ. 2010, ISBN 978-9941-0-3008-6