ჯეიმს დევიდ ფორბსი
ჯეიმს დევიდ ფორბსი (ინგლ. James David Forbes; დ. 20 პირელი, 1809, ედინბურგი, შოტლანდია — ღ. 31 ქირსეთუთა, 1868, ბრისტოლი, ინგლისი) — შოტლანდიარი ფიზიკოსი დო გლაციოლოგი, ნამუშ ომენცარე ინტერესეფიშ სფერო რდჷ თერმული კონდუქცია დო სეისმოლოგია.
| ჯეიმს დევიდ ფორბსი | |
| ინგლ. James David Forbes | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 31, 1868 (59 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
რუმფორდიშ მენდალი (1838) |
| ხეშმოჭარუა: |
|
.svg){kind=small}
ბიოგრაფია რედაქტირაფა
ჯეიმს დევიდ ფორბსიქ დებადჷ 1809 წანაშ 20 პირელს, შოტლანდიაშ ნოღა ედინბურგის. გურაფულენდჷ ედინბურგიშ უნივერსიტეტის. გურაფაშ თებაშ უკულ, 1833-1860 წანეფს, მუშენდჷ ედინბურგიშ უნივერსიტეტიშ ნატურფილოსოფიაშ პროფესორო. 1860-1868 წანეფს იმუშუ სენტ-ენდრიუშ უნივერსიტეტის ხოლო. 1836-1844 წანეფს ფორბსიქ გჷმაბჟინუ მენცარული ნახანდი "სიტიბაშ რკვიებაშ გეშა". 1846 წანაშე ფორბსიქ დიჭყჷ სიტიბაშ რკვიება ექსპერიმენტალურო. 1840-იან წანეფშე ფორბსიქ დეინტერესჷ ჯიშთეფით. ჯიშთეფიშ მენცარული რკვიებაშ გეშა იდჷ შვეიცარიაშა, ნორვეგიაშა სოდეთ ჯიშთეფიშ სტრუქტურას დო ბაძაძეფს ირკვიენდჷ. ფორბსი მოღალენდჷ გეოლოგიაშ დარგის ხოლო. ფორბსის უღუ ნაჭარეფი თერმული წყუეფიშ დო ვულკანეფიშ გეშათ ხოლო. ჯეიმს დევიდ ფორბსი რდჷ ედინბურგიშ ომაფე ჯარალუაშ დო ლონდონიშ ომაფე ჯარალუაშ მაკათური. 1838 წანას ლონდონიშ ომაფე ჯარალუაქ ფორბსის გინოჩჷ რუმფორდიშ მენდალი დო 1843 წანას ომაფე მენდალი. 1842 წანას ფორბსიქ გიმიგონჷ სეისმოგრაფი. ფორბსიქ ღურუ 1868 წანაშ 31 ქირსეთუთას, ინგლისიშ ნოღა ბრისტოლს. ნთხორილი რე ედინბურგიშ დინიშ სასაფლას. ჯეიმს დევიდ ფორბსიშ ჯოხონობაშ რე ართ-ართი წყარმალუ დო ართ-ართი ჯიშთი ახალი ზელანდიას.
გიშნაგორა პუბლიკაციეფი რედაქტირაფა
- (1843) Travels through the Alps of Savoy and Other Parts of the Pennine Chain, with Observations on the Phenomena of Glaciers, Profr. Forbes's travels through the Alps. A. and C. Black ; Longman, Brown, Green, and Longmans.
- (1853) Norway and its Glaciers. A. and C. Black.
- (1855) A Tour of Mont Blanc and Monte Rosa, Travels in the Alps of Savoy. A. and C. Black.
- (1859) Occasional Papers on the Theory of Glaciers. A. and C. Black.