ჯერარდ კოიპერი
ჯერარდ პეტერ კოიპერი (ნიდ. Gerrit Pieter Kuiper; ინგლ. Gerard Peter Kuiper; დ. 7 ქირსეთუთა, 1905, ჰარენკარსპელი, ნიდერლანდეფი — ღ. 23 ქირსეთუთა, 1973, მეხიკო, მექსიკა) — ნიდერლანდარი ასტრონომი. მერჩქინელი რე პლანეტოლოგიაშ მუმათ.
| ჯერარდ კოიპერი | |
| ნიდ. Gerrit Pieter Kuiper ინგლ. Gerard Peter Kuiper | |
 ჯერარდ კოიპერი 1964 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 23, 1973 (68 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ლეიდენიშ უნივერსიტეტი |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ჟიულ ჟანსენიშ პრემია (1947) |
ბიოგრაფია დო მენცარული რკვიებეფი რედაქტირაფა
ჯერარდ კოიპერი გურაფულენდჷ ლეიდენიშ უნივერსიტეტის, სოდეთ გეჩინებაფუ გიშარჩქინელი ასტრონომეფი: ბარტ ბოკი, ეინარ ჰერცშპრუნგი, ანტონ პანეკუკი, ვილემ დე სიტერი, იან ოორტი, პაულ ერენფესტი დო შხვეფი. კოიპერიქ ოკანდიდატე დისერტაცია თხილუ ასტრონომიას, 1927 წანას. 1933 წანას თხილუ ოდოქტორე დისერტაცია ეინარ ჰერცშპრუნგიშ ხემანჯღვერობათ. გურაფაშ თებაშ უკულ ამერიკაშა მიდართჷ დო მუშობა ქიდიჭყჷ ლიკიშ ობსერვატორიას. 1935 წანას კოიპერიქ ომუშებუშა გეგნორთჷ ჰარვარდიშ კოლეჯიშ ობსერვატორიაშა. კოიპერიქ ართ პერიოდის იმუშუ ჩიკაგოშ უნივერსიტეტიშ იერკსიშ ობსერვატორიას ხოლო. 1947-1949 წანეფს კოიპერი მუშენდჷ მაკდონალდიშ ობსერვატორიაშ დირექტორო. ჩიკაგოშ უნივერსიტეტიშ მუშობაშ ბორჯის კოიპერი რდჷ შინელი ამერიკალი ასტრონომიშ დო კოსმოლოგიშ კარლ სეიგანიშ ომენცარე ხემანჯღვერი.
ჯერარდ კოიპერიქ მიოგორუ ურანიშ ალმაშარე მირანდას დო ნეპტუნიშ ალმაშარე ნერეიდას. ჯერარდ კოიპერი რდჷ მაართა მენცარი ნამუქჷთ ძირუ ნოშქერორჟანგი მოროხიშ ატმოსფეროს დო მეთანი მარსქულიშ ალმაშარე ტიტანიშ ატმოსფეროს. 1960-იან წანეფს კოიპერი ოკათუდჷ აპოლოშ კოსმოსური პროგრამაშ მენცარულ კონსულტაციეფს. კოიპერი რდჷ პროექტი A119-შ მაკათური ხოლო. 1960 წანას ჯერარდ კოიპერიქ დარსხუ თუთაშ დო პლანეტეფიშ რკვიებეფიშ ლაბორატორია არიზონაშ უნივერსიტეტის დო ღურაშა რდჷ თიში დირექტორი. 1950-იან წანეფს თუთაშ თერმული ევოლუციაშ გეშა კოიპერის უღუდჷ მენცარული კონფლიქტი ამერიკალი ფიზიოქიმიკოსი, ნობელიშ პრემიაშ ლაურეატი ჰაროლდ იურიწკჷმა. მენცარეფიშ ჸათე კონფლიქტის "ჩხე თუთა რგილი თუთა"-შ კონფლიქტის ხოლო უძახუნა. ჯერარდ კოიპერი რდჷ შხვადოშხვა პრემიეფიშ დო ჯილდოეფიშ ლაურეატი. 1947 წანას კოიპერის გინოჩეს ჟიულ ჟანსენიშ პრემია დო 1959 წანას ჰენრი ნორის რასელიშ ლექციაშ პრემია. 1971 წანას ფრანკლინიშ ინსტიტუტიქ კოიპერის გინოჩჷ კეპლერიშ ორქოშ მენდალი. ჯერარდ კოიპერიქ ღურუ 1973 წანაშ 23 ქირსეთუთას, 68 წანერქ. კოიპერიშ ჯოხონობაშ რე კოიპერიშ ორტყაფუ დო ართი ჭიჭე პლანეტა. ამერიკაშ ასტრონომიაშ ჯარალუაქ დარსხუ კოიპერიშ პრემია.
რესურსეფი ინტერნეტის რედაქტირაფა
- Gerard Peter Kuiper: NASA KAO's namesake. National Aeronautics and Space Administration (NASA).
- Gerard Kuiper Papers. University of Arizona.
- Dale P. Cruikshank. Gerard Peter Kuiper, 1905—1973. National Academy of Sciences.