ჯორჯ დანციგი
ჯორჯ ბერნარდ დანციგი (ინგლ. George Bernard Dantzig; დ. 8 გერგობათუთა, 1914, პორტლენდი, ორეგონი, ააშ — ღ. 13 მესი, 2005, სტენფორდი, კალიფორნია, ააშ) — ამერიკალი მათემატიკოსი.
| ჯორჯ დანციგი | |
| ინგლ. George Dantzig | |
 ჯერალდ ფორდი მენცარობაშ ერუანულ მენდალს გინმოჩანს ჯორჯ დანციგის. 1976 წ. | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 13, 2005 (90 წანერი) |
| ღურაშ აბანი: |
სტენფორდი, კალიფორნია, ააშ |
| მენოღალობა: | |
| ომენცარე სფერო: | |
| სამუშაშ აბანი : |
RAND Corporation |
| ალმა-მატერი: |
მერილენდიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ჯონ ფონ ნეიმანიშ თეორიული პრემია (1975) |
ბიოგრაფია
რედაქტირაფაჯორჯ დანციგიქ დებადჷ 1914 წანაშ 8 გერგობათუთას, ორეგონიშ ნოღა პორტლენდის, ურიეფიშ ფანიას. გურაფულენდჷ მათემატიკას მერილენდიშ უნივერსიტეტის, სოდეთ მიპალუ ბაკალავრიშ ხარისხი 1936 წანას. მერილენდიშ უნივერსიტეტიშ უკულ გურაფა გაგინძორჷ მიჩიგანიშ უნივერსიტეტის დო 1937 წანას მიპალუ მაგისტრიშ ხარისხი. დანციგიქ ოდოქტორე დისერტაცია თხილუ კალიფორნიაშ უნივერსიტეტის (ბერკლი), გიშარჩქინელი პოლონარი მათემატიკოსიშ ეჟი ნეიმანიშ ხემანჯღვერობათ. მაჟირა მოსოფელიშ ლჷმაშ ბორჯის დანციგი მუშენდჷ ამერიკაშ არმიაშ ოჰეერე ძალეფიშ სტატისტიკური კონტროლიშ შტაბის. 1952 წანას დანციგიქ მუშობა ქიდიჭყჷ RAND Corporation-ის. 1960 წანაშე ჯორჯ დანციგი რე კალიფორნიაშ უნივერსიტეტიშ (ბერკლი) ინდუსტრიული ინჟინერიაშ დეპარტამენტიშ პროფესორი. 1966 წანაშე დანციგი ოგურუანდჷ ინფორმატიკას დო ოპერაციულ რკვიებეფს, სტენფორდიშ უნივერსიტეტის. 1973 წანას დანციგიქ დარსხუ სისტემეფიშ ოპტიმიზაციაშ ლაბორატორია (SOL). ჯორჯ დანციგი რდჷ ამერიკაშ მენცარობეფიშ ერუანული აკადემიაშ, ინჟინერიაშ ერუანული აკადემიაშ დო ამერიკაშ ხელუანობეფიშ დო მენცარობეფიშ აკადემიაშ მაკათური. დანციგი რდჷ შხვადოშხვა პრემიეფიშ დო ჯილდოეფიშ ლაურეატი. 1974 წანას გინოჩეს ჯონ ფონ ნეიმანიშ თეორიული პრემია, 1975 წანას მენცარობაშ ერუანული მენდალი დო 1995 წანას ჰაროლდ პენდერიშ პრემია. დანციგი რდჷ მერილენდიშ უნივერსიტეტიშ კოლეჯ-პარკიშ საპატიო დოქტორი. მათემატიკური პროგრამირაფაშ ჯარალუაქ 1982 წანას დარსხუ ჯორჯ დანციგიშ ჯოხონობაშ პრემია, ნამუთ ირ სუმ წანას გინმაჩამუ მათემატიკური პროგრამირაფაშ დარგის მოხანდე მენცარეფს. ჯორჯ დანციგიქ ღურუ 2005 წანაშ 13 მესის, 90 წანერქ, კალიფორნიაშ ნოღა სტენფორდის.
მენცარული რკვიებეფი
რედაქტირაფაჯორჯ დანციგიქ მიშეღჷ დიდი თია ინდუსტრიული ინჟინერიაშ, ოპერაციული რკვიებეფიშ, ინფორმატიკაშ, ეკონომიკაშ დო სტატისტიკაშ გოვითარაფაშა. დანციგი უმოსო შინელი რე მუჭოთ სიმპლექს-მეთოდიშ დუმარსხუაფალი. სიმპლექს-მეთოდი რე ალგორითმი, ნამუთ გიმირინუაფჷ ღოზოვანი პროგრამირაფაშ პრობლემეფიშ გინაჭყვიდალო. სტატისტიკაშ დარგის დანციგიქ გინოჭყვიდჷ სტატისტიკური თეორიაშ ჟირი პრობლემა.
რესურსეფი ინტერნეტის
რედაქტირაფა
- ჯორჯ დანციგი ბიბლიოთეკაშ WorldCat კატალოგის
- Obituaries of George Dantzig
- INFORMS George Dantzig Memorial Website
- Biography of George Dantzig from the Institute for Operations Research and the Management Sciences (INFORMS)