ჰეგემონია
ჰეგემონია — სიტუაცია, ნამუსჷთ ართი სახენწჷფო პოლიტიკურო, ეკონომიკურო დო ოურდუმე პოტენციალით ორჯგინანს შხვა სახენწჷფოეფს დო აკონტროლენს თის. [1] [2] [3] [4] [5] ჯვეშ საბერძნეთის (ჯვ. წ. VIII ოშწანურა - ჯვ.წ. VI ოშწამურა), ჰეგემონია შანენდჷ ართი ნოღა-სახენწჷფოშ პოლიტიკურ-ოურდუმე პატჷნალას შხვა ნოღა-სახენწჷფოეფშა. [6] დომინანტი სახენწჷფო ჩინებული რე, მუჭოთ ჰეგემონი . [7] XIX ოშწანურას ჩინება ჰეგემონიაქ მიდვჷ, გეუჭარუდეკონ "სოციალური ვარ-და კულტურული რჯგინალა ვარ-და ადორია; ართი ბუმაშით გოპატჷნაფა ჯარალუას". მოგვიანაფათ, თე ტერმინქ გიმორინაფილქ იჸუ გეჸვენჯი დეფინიციათ: "ბუნა ვარ-და რეჟიმი, ნამუსჷთ ჯარალუაშა უხუჯური გაულა უღჷნ". [8] თაშნეშე, თინა შილებე გიმორინაფილქ იჸუას ართი ქიანაშ გეოპოლიტიკური დო კულტურული დომინანტალაშ გასხუნალო შხვა ქიანეფშა, სოიშეთ რეალურო გიჭყჷ ტერმინქ ჰეგემონიზმი, ნამუსჷთ კაბეტი ნძალეფიშ ევროპული ჰეგემონიაშ მიშაღალას გურიშხონარენდეს აზიაშა დო აფრიკაშა.
კულტურულ იმპერიალიზმის, ლიდერი სახენწჷფო დოჸუნაფილჷ სახენწჷფოეფს ალმარაგადანს დინოხოლენ პოლიტიკას დო თიშ სოციალურ ხასიათის, ნამუეფჷთ ჰეგემონიური გაულაშ სფერო რე. თინა გუთმოთანჯჷნს ხუჯდოკინელი თარობაშ ვარ-და ბონას, თიშით დორინაფილი თარობაშ მეშქაშალათ.
ოერეფოშქაშე ურთიართობეფიშ თეორიას, ჰეგემონია შანენს (i) კაბეტი მატერიალური ასიმეტრიაშ დგომარაფას ართი სახენწჷფოშ ორგებელო, ნამუსჷთ უღჷ (ii) ობაღური ოურდუმე ნძალა სისტემურო გიორჯგინას ირნერი პოტენციური კონკურენტი სისტემას, (iii) აკონტროლენს ნედლეულიშ ოზირუეფს, (ორთაშობური რესურსეფი, კაპიტალი დო ბაზარეფი) (iv) უღჷ კონკურენტული უმოსობა გეძინელი ღებაშ მეკონ-მოკონიშ წარმაფას, (v) აკმოქომინჷნს იდეოლოგიას, ნამუთ ოძირანს ათე სტატუს კვოს. დო (vi) ფუნქციურო გინორთი უღჷ სისტემაშ შხვა სახენწჷფოეფშე, თიშ გეშა, ნამჷ-და მოსალინე რე უმარღელჸუას გორკვიაფილი ჯარალობური მეკონ-მოკონი, მუჭოთ რე უშქურანჯალა, ვარ-და კომერციული დო ფინანსური სტაბილურალა. [9]
კულტურული ჰეგემონიაშ მარქსისტული თეორია, ნამუთ იასოცირებუ ანტონიო გრამშწკჷნა, რე მოარზაფა, ნამჷ-და მამართალ კლასის შეულებჷ იღვენუას მანიპულირაფა ჯარალუაშ ღებეფიშ სისტემაშა დო ზჷმეფშა, თინეფიშ მეჯინაქ გჷნირთას იქცეს მოსოფელიშ მეჯინათჷნ ( Weltanschauung ): ტერი ეგლეტონიშ ზიტყვეფით. ”გრამში რჩქვანელობურ ზიტყვა ჰეგემონიას ხვარენს, მუჟანსჷთ გურიშხონარენს მამართალ ნძალას, ნამუსჷთ ხემანჭუაფა უღჷ მუშ დოჸუნაფილეფშა.” [10] ავტორიტარული მართუალაშე გინორთი, კულტურული ჰეგემონია "რე ჰეგემონიური ხვალე თი შვანს, დო თიშა დოღამაკილეფი დაზარალებულები თაშნეშე ალობას არზენა თიშ უბადობას დო მუნეფიშ დუდშა იწისუანა თიშ არძა გლახა გუმოლინაფას". [11]
რესურსეფი ინტერნეტის
რედაქტირაფა- "Hegemony" . ენციკლოპედია Britannica . 13 (მა-11 რედ.). 1911. ხს. 208.
- Hegemonism/ ჰეგემონია ვებ-ხასჷლას Open Directory Project
- მაიკ დორშერი, დოქტორი, ჰეგემონია ინტერნეტი: სიჸონიერეშ, კულტურაშ დო კომპიუტერეფიშ თინჩალი კონვერგენცია
- ჰეგემონია დო ტყობინაფი პერსადერეფი - ურჩქვანუ გინაფაშ ნძალა
- პარაგ ხანანა, შვიდობა ქჷდუჩინი ჰეგემონიას
სქოლიო
რედაქტირაფა- ↑ Oxford Research Encyclopedia of International Studies. OREIS. Oxford University Press and International Studies Association, LLC (2019).
- ↑ Oxford English Dictionary
- ↑ Hegemony. Oxford Advanced American Dictionary. Dictionary.com, LLC (2014). დოარქივაფილი რე ორიგინალშე 2014-02-03-ს. კითხირიშ თარიღი: 2020-05-20.
- ↑ Hegemony. Merriam-Webster Online. Merriam-Webster, Inc. (2014).
- ↑ Hegemony. American Heritage Dictionary. Houghton Mifflin Harcourt (2014).
- ↑ (1994) The Columbia Encyclopedia. Columbia University Press. ISBN 0-231-08098-0.
- ↑ Oxford English Dictionary: "A leading or paramount power; a dominant state or person"
- ↑ Oxford English Dictionary: Def's 2a and 2b.
- ↑ Schenoni (2018). The Argentina-Brazil Regional Power Transition.
- ↑ Terry Eagleton, Ideology: An Introduction (London: Verso, 1991).
- ↑ Laurie, Timothy. “Masculinity Studies and the Jargon of Strategy: Hegemony, Tautology, Sense“. კითხირიშ თარიღი: 2016-02-24.