აბაზური ნინა

აბაზური ნინა — აბაზეფიშ ოდაბადური ნინა. მიარხველუაფუ კავკაციურ ნინეფიშ აფხაზურ-ადიღურ ვარა ოორუებჟადალურ ბუნას. აბაზური ნინა აფხაზურ ნინაწკჷმა ართო აკმოქიმინუნც ართ ნინაშობურ ართურც, მარა ტერიტორიული გოთიშუობაშ გეშა აბაზური ოლიტერატურე ნინა ხურგილიე აფხაზური ოლიტერატურე ნინაშე. დორხველაშო აბაზური ნინა გოფაჩილიე ჯინჯიერო რუსეთიშ ფედერაციაშ ყარაჩაი-ჩერქეზეთიშ რესპუბლიკას.

თე ნინაშა რაგადანც დოხოლაფირო 38 000 კოჩი რუსეთის, ოდო 10 000 — თურქეთის.

უღუ ჟირი დიალექტი — ტაპანთური (ტობაშიშ, ვეშ) დო აშხარული (გვალაშ). შხვაობა დიალექტეფც შქას ჯგვინელო ფონეტიკურიე. შანულამი ფონეტიკური შხვაობა რე კილოკაღუეფც დო თქუმეფც. აბაზური ნინაშ მორფოლოგიური წყობა ჸოფიერო თიშნერინე რე, მუნერით აფხაზური ნინაშ. აბაზურ ოლიტერატურე ნინას ოსხირო გეუძჷ ტაპანთური დიალექტის ყუბისნაელბურგანიშ კილოკაღუ (თ. გ. შირშინა ვარიანტი).

აბაზური ნინაშ ჭარალუაქ დირსხუ 1932 წანაშ ლათინური გრაფიკაშ ოსხირშა. 1938 წანაშე მიშაღალირიე კირილიცა.

ლიტერატურა

• ქ. ლორთქიფანიძე, ქორთული სხუნუეფიშ ენციკლოპედია, ტ. I, ხს. 12, ქთ., 1975 წანა.

რესურსეფი ინტერნეტის

• (ინგლისური) Ethnologue Archived 2011-06-04 ვებ-ხასჷლას Wayback Machine.
• აბაზურნინამ გაზეთი