ალექსანდერ ფონ ჰუმბოლდტი
ფრიდრიხ ვილჰელმ ჰენრიხ ალექსანდერ ფონ ჰუმბოლდტი (გერმ. Friedrich Wilhelm Heinrich Alexander von Humboldt; დ. 14 ეკენია, 1769, ბერლინი, პრუსიაშ ომაფე — ღ. 6 მესი, 1859, ბერლინი, პრუსია, გერმანიაშ კონფედერაცია) — გერმანალი გეოგრაფი, ბიოლოგი, ბოტანიკოსი დო ფიზიკოსი, პრუსიალი პოლიტიკოსიშ, დიპლომატიშ, ფილოსოფოსიშ დო ლინგვისტიშ ვილჰელმ ფონ ჰუმბოლდტიშ ჯიმა. გურაფულენდჷ ოდერიშ ფრანკფურტიშ, გეტინგენიშ დო ბერლინიშ უნივერსიტეტეფს. იშარალჷ საფრანგეთის, ნიდერლანდეფს, ინგლისის, ცენტრალურ დო ობჟათე ამერიკას, რუსეთის. გიმირკვიუ შხვადოშხვა რეგიონეფიშ გეოგრაფია, გეოლოგია, კლიმატოლოგია, მეტეოროლოგია, ზოოლოგია, ბოტანიკა. ჰუმბოლდტიქ მუში რკვიებეფი ეჭარჷ მენცარულ ნაჭარეფს. ჰუმბოლდტიშ არძაშე უმოსო ჩინებული მენცარული ნახანდი რე "კოსმოსი", ნამუთ ბერლინიშ უნივერსიტეტის ჰუმბოლდტიშ ნაკითხირი ლექციეფიშ კოლექცია რე. ჰუმბოლდტი ბიოგეოგრაფიაშ ართ-ართი დუმარსხუაფალი რე. ჰუმბოლდტიქ მიშეღჷ დიდი თია მეტეოროლოგიური დო გეომაგნიტური მონიტორინგიშ გოვითარაფაშა. ჰუმბოლდტიქ წჷმარინუ იდეა ნამუშ მეჯინათ რეგიონეფი (გიშაკერზაფილო აფრიკა დო ობჟათე ამერიკა), ნამუეფი ატლანტიშ ოკიანეს ომძღჷ, ართ პერიოდის გოართოიანაფილი ტერიტორია რდჷ. ჰუმბოლდტიქ ანტიკური ბერძენული პერიოდიშე მიშეღჷ დო მუშ მენცარულ ნაჭარეფს გჷმირინუ ტერმინი კოსმოსი. ჰუმბოლდტი რდჷ შხვადოშხვა პრემიეფიშ დო ჯილდოეფიშ ლაურეატი. ალექსანდერ დო ვილჰელმ ჰუმბოლდტეფიშ ჯოხონობაშ რე ბერლინიშ უნივერსიტეტი. ალექსანდერ ჰუმბოლდტიშ ჯოხონობაშ რე შხვადოშხვა გეოგრაფიული, გეოლოგიური დო ასტრონომიული ობიექტი. ალექსანდერ ჰუმბოლდტიშ ღურაშ უკულ ჰუმბოლდტიშ კოლეგეფქ დარსხუეს ჰუმბოლდტიშ ჯოხონობაშ ფონდი.
| ალექსანდერ ფონ ჰუმბოლდტი | |
| გერმ. Alexander von Humboldt | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 6, 1859 (89 წანერი) |
| ღურაშ აბანი: |
ბერლინი, პრუსია, გერმანიაშ კონფედერაცია |
| მენოღალობა: |
პრუსიაშ ომაფე |
| ომენცარე სფერო: |
გეოგრაფია, ბიოლოგია, ბოტანიკა, ბიოგეოგრაფია, ზოოლოგია, ფიზიკა, მეტეოროლოგია |
| სამუშაშ აბანი : | |
| ალმა-მატერი: |
ოდერიშ ფრანკფურტიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
კოპლიშ მენდალი (1852) |
| ხეშმოჭარუა: |
|
ლიტერატურა
რედაქტირაფა- Kellner, Lotte. Alexander von Humboldt. New York: Oxford University Press 1963.
- Botting, Douglas. Humboldt and the Cosmos. New York: Harper & Row Publishers 1973.