ანგელოზი

ანგელოზი (ბერძენ. ἄγγελος „ანგელოს“ — მაწიებელი) — შურიელი გონური რინუ, გჷმოხანტჷნს ღორონთიშ ნებას დო უღუ ვაადამიერული შელებუა დო სვენერაფა.

ხატი თარანგელოზეფიშ ეხანტუათ. XIX ო.

ქირსიანობა

ბიბლიას მოშინაფილი რე ანგელოზეფიშ 9 დასი, ნამუეფჷთ 3 იერარქიათ ირთჷ:

სერაფიმეფი, ქერუბიმეფი, ოჸუდერეფი ნებეფი, ნძალეფი, ხემონჭეეფი თარობეფი (დაჭყაფურეფი), თარანგელოზეფი დო ანგელოზეფი.

თარანგელოზი მიქაელი გეთმიორჯგინანს სატანას. რომი, სანტა მარია დელა კონცეზიონე

თარანგელოზეფი:

მიქაელ თარანგელოზი თაშნეშე ანგელოზპატონი - დოდგინელი რე ანგელოზეფიშ დასიშ მადუდეთ. თიში ჯოხო ურიულო შანენს: "ნამუთ მუჭოთ ღორონთი რენ“ - გემარჯგინე არძა ნტერული ნძალაში. მიქაელ თარანგელოზიშო იხვამანა დემონურ მოღორებეფიშ ბორჯის.

გაბრიელ თარანგელოზი - სიჸონიერე (ჭყანა) ღორონთიში (დან. 8, 16; ლკ. 1, 26) - ღორონთიშ ნოფულიშ ჯგირი მარწიებელი, ღორონთიშ ირნერომარჯგინალაშ მახარებელი დო მანინალე რე. ხატეფს გაბრიელ თარანგელოზის გჷმოხანტჷნა სამოთხეშ ჸათ, ნამუთ ირნეროწიმინდე ქარწუნს მიარზჷ, შხირას თის ხეს მონტებული ლამპარი უკებჷ.

რაფაელ თარანგელოზი - ღორონთიერი მასქილადაფარი (ტობ. 3, 16; 12, 15), ლახარეფშე ადამიერეფიშ მარსხებელი.

იეგუდიელ თარანგელოზი - ღორონთიშ დიდებას შანენს. თინა ადიდენს ღორონთს, მოღალეეფს გჷთმაკენჯენს დო თონეფიშ აშმარინე რე.

სელაფიელ თარანგელოზი - მახვამურს შანენს. თინა ადამიერეფს უძირაფეთ ალურე ხვამაშ ბორჯის.

ურიელ თარანგელოზი - ღორონთიერი დაჩხირი დო თე, გჷმანათაფალი (3 ეზრ. 5, 20)

ვარახიელ თარანგელოზი - კურთხუაშ ანგელოზის შანენს. ადამიერეფშო ღორონთიერი ჭყოლოფუაშ გჷმმათხიებელი რე.

იერომიელ თარანგელოზი - შანენს ღორონთიშჸურე ამაღალაფას (3 ეზრ. 4, 36). თინა ოღორონთე ჸოროფაშ მაკორინუ რე. ხატეფს ეიხანტუაფჷ ხეს სახწორით.

ლიტერატურა

• წმიდანთა ცხოვრება, ტომი IV, თბილისი, 2003 წ.