ანტიოქე III დიდი

ანტიოქე III დიდი (ბერძ. Ἀντίoχoς ὁ Μέγας; დ. ჯვ. წ. 241 — ღ. ჯვ. წ. 187 წანაშ 3 კვირკვე) — სელევკიდეფიშ იმპერიაშ რანწკით მაამშვა მაფა, ჯვ. წ. 223-187 წანეფს, სელევკიდეფიშ დინასტიაშ ართ-ართი შანულამი წჷმმარინაფალი.

ანტიოქე III დიდი Ἀντίoχoς ὁ Μέγας
ანტიოქე III დიდიშ ბიუსტი ლუვრის
სელევკიდეფიშ იმპერიაშ მაამშვა მაფა
პოსტის გერინაშ ბორჯი
ჯვ. წ. 223 წანა – ჯვ. წ. 187 წანაშ 3 კვირკვე
წიმოხონი	სელევკე III
მონძე	სელევკე IV
დუნაბადი	ჯვ. წ. 241 სუზა, სელევკიდეფიშ იმპერია
ნაღურა	ჯვ. წ. 187 წანაშ 3 კვირკვე (54 წანერი) სუზა, სელევკიდეფიშ იმპერია
მუმა	სელევკე II
ნანა	ლაოდიკა II
ალმასქუ	ლაოდიკა III ევბეია
სქუალეფი	ანტიოქე სელევკე IV არდისი ლაოდიკა ლაოდიკა IV კლეოპატრა I ანტიოქიდა ანტიოქე IV ეპიფანე
რელიგია	ჯვეშბერძენული რელიგია

ჯვ. წ. 220 წანას ანტიოქექ დამარცხჷ მიდიაშ არყებული სატრაპი მოლონი დო თიშა ჯიმა ალექსანდრე. ჯვ. წ. 219-217 წანეფს ოლიმუდჷ ეგვიპტეს, გეჭოფუ ფინიკია დო პალესტინა, მარა ჯვ. წ. 217 წანას, რაფიაშ ლჷმას, პტოლემე IV-ქ ორჯგინჷ ანტიოქეს. ჸათე მარცხით ანტიოქექ დაკინებული ტერიტორიეფი მიოდინუ. ჯვ. წ. 212-205 წანეფს ანტიოქექ მანწყუ ლექსერობეფი ბჟაეიოლს დო ქიდეკინჷ პართიაშ დო ბაქტრიაშ ომაფეეფი. ჯვ. წ. 203 წანას, მაკედონიაშ მაფა ფილიპე V-წკჷმა აკაართიანჷ ნძალეფი დო ეგვიპტეს მიდუღუ პალესტინა. ანტიოქე თაშნეშე ოცადუდჷ ანატოლიაშ ნოღეფიშ დო თრაკიაშ ხეშა აშაჸოთამას ხოლო. მარა ჸათე ცადებეფს ქაწუდირთჷ პერგამონიშ ომაფექ დო როდოსიქ. პერგამონიშ დო როდისიშ კოალიციას ქაკათჷ რომიშ რესპუბლიკაქ ხოლო. კოალიციაქ დამარცხჷ ანტიოქე დიო საბერძნეთის დო უკულ ჯვ. წ. 190 წანას ნოღა მაგნეზიაშ გოხოლუას მოხვადჷ გინმაჭყვიდალი ლჷმაქ, სოდეთ რომიშ რესპუბლიკაქ დო პერგამონიშ ომაფექ ორჯგინეს ანტიოქეშ ჯარეფს. რომქ დო სელევკიდეფიშ იმპერიაქ გაფორმეს ოთინჩალე ხეკულუა ჯვ. წ. 188 წანას. ჸათე ხეკულუაშ ნძალათ გეთუ სელევკიდეფიშ დომინაციაქ ანატოლიას.

რესურსეფი ინტერნეტის

ვიკიოწკარუეს^? რე ხასჷლა თემაშენ:

ანტიოქე III დიდი

• Antiochus III "the Great" entry in historical sourcebook by Mahlon H. Smith
• Antiochus III entry in 'Seleucid Genealogy' Archived 22 July 2018 ვებ-ხასჷლას Wayback Machine.