სელევკიდეფიშ იმპერია

	სელევკიდეფიშ იმპერია; ბერძ. Βασιλεία τῶν Σελευκιδῶν ;
	; სელევკიდეფიშ იმპერია ჯვ.წ. 281 წანას
ნანანოღა	სელევკია (ჯვ.წ. 305-ჯვ.წ. 240); ანტიოქია (ჯვ.წ. 240-ჯვ.წ. 63); ლისიმაქია (დე ფაქტო, ჯვ.წ. 190-ანი წანეფი)
ნინა	ბერძენული (ოფიციალური); სპარსული; არამეული
რელიგია	ჯვეშბერძენული რელიგია, ელინისტური რელიგია, ბაბილონური რელიგია, ელინისტური იუდაიზმი, ზოროასტრიზმი, ინდუიზმი, ბუდიზმი
ფართობი	3,000,000 კმ² (ჯვ.წ. 303); 3,900,000 კმ² (ჯვ.წ. 301); 2,600,000 კმ² (ჯვ.წ. 240); 800,000 კმ² (ჯვ.წ. 175); 100,000 კმ² (ჯვ.წ. 100)
მახორობა	30,000,000+ (ჯვ.წ. 301)
დუდალაშ ფორმა	ელინისტური მონარქია
დინასტია	სელევკიდეფი
	ბასილევსი
- ჯვ.წ. 305-281	სელევკე I ნიკატორი (მაართა)
- ახ.წ. 65–63	ფილიპე II ფილორომაეუსი (ეკონია)

სელევკიდეფიშ იმპერია (ბერძ. Βασιλεία τῶν Σελευκιδῶν) — ელინისტური პერიოდიშ ბერძენული სახენწჷფო ბჟადალი აზიას. დარსხუ სელევკე I ნიკატორიქ ჯვ.წ. 312 წანას, მაკედონიაშ იმპერიაშ აკოცჷმაშ უკულ. იმპერიას მართუნდჷ სელევკიდეფიშ დინასტია.

ბაბილონეთიშ დო ასურეთიშ რეგიონეფიშ ეფექტური დაკინებაშ უკულ, სელევკე I-ქ გაფართინუ იმპერია, ნამუთ იკათუანდჷ თეხანური ერაყის, ირანს, ავღანეთის, სირიას დო ლიბანს. იმპერიაშ ტერიტორიული ექსპანსიაშ პიკის, სელევკიდეფიშ აკოდგინალუაშა მიშმეშჷ ანატოლია, ირანი, ლევანტი, შქაწყარმალონა დო თეხანური ქუვეითიშ, ავღანეთიშ დო თურქმენეთიშ ტერიტორიეფი.

ბჟადალს, სელევკიდეფიშ იმპერიას კონფლიქტური ურთიართობა უღუდჷ პტოლემეეფიშ ომაფეწკჷმა დო ბჟაეიოლს, მაურიეფიშ იმპერიაწკჷმა. ჯვ.წ. მაჟირა ოშწანურაშ დაჭყაფუს ანტიოქე III დიდი ოცადუდჷ ელინისტური საბერძნეთიშ დოჸუნალაფას, მარა თიში ჸათე ცადეფეფს ქაწუდირთჷ რომიშ რესპუბლიკაქ დო თიში ბერძენი მორსხუეფქ. უკულიანი პერიოდიშო სელევკიდეფქ დათმეს ტერიტორიეფი ტავრიშ გვალეფიშ ბჟადალშე ობჟათე ანატოლიას. ჸათე მოლინათ ქიდიჭყჷ სელევკიდეფიშ დადაღარებაქ. პართიაშ მაფა მითრიდატე I-ქ გენძალიერჷ დო ქიდეკინჷ სელევკიდეფიშ იმპერიაშ ბჟაეიოლი ტერიტორიეფი ჯვ.წ. მაჟირა ოშწანურაშ შქახანეფს. ოორუე-ბჟაეიოლიშე გოლინა მიპალუ ბერძენულ-ბაქტრიული ომაფექ. უკულიანი ბორჯიშო სელევკიდეფქ ძალამს დედაღარეს, მიოდინეს ტერიტორიული დო პოლიტიკური გოლინა დო აკონტროლენდეს ხვალე სირიაშ ტერიტორიას. ჯვ.წ. 83 წანას დიდი სომხეთიშ მაფა ტიგრან II-ქ გეჭოფჷ სირია დო უკულ ჯვ. წ. 63 წანას გნეუს პომპეუსიქ გეგთარაგუ სელევკიდეფიშ ეკონია წჷმმარინაფალი.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.