აუგუსტო როა ბასტოსი (ესპ. Augusto Roa Bastos; დ. 13 მანგი, 1917, ასუნსიონი, პარაგვაი — ღ. 26 პირელი, 2005, ასუნსიონი, პარაგვაი) — პარაგვაალი ჭარუ, ნოველისტი, პოეტი, სცენარისტი დო ჟურნალისტი. შინელი რე ნოველეფით: "ადამიერიშ სქუა" (1960) დო "მა, უმაღალაში" (1974). თინეიჯერობაშ პერიოდის ბასტოსი მონაწილენდჷ ჩაკოშ ლჷმას (პარაგვაი-ბოლივიაშ ლჷმა). პოლიტიკური ბაძაძეფიშ გეშა, ბასტოსი 1947 წანას არგენტინაშა გეგნახორეს. 1976 წანას ბუენოს-აირესი ქიდიტუ დო ოცხოვრებშა საფრანგეთიშა მიდართჷ. ბასტოსიქ მუში ლიტერატურული ნახანდეფი ურცხოეთის რინაშ ბორჯის ჭარუ. თიში ნაჭარეფი ეთმოჭარუნს პარაგვაიშ მაართა დიქტატორიშ ხოსე გასპარ როდრიგეს დე ფრანსიაშ დიქტატურას. მუშ ნაჭარეფს ბასტოსის გჷმორინაფილი აფჷ პარაგვაული მითოსიკა, სიმბოლიკა დო შხვა კულტურული ტრადიციეფი. ბასტოსიშ ჭარალუაშ ნინა ესპანური რე, მარა იკათუანს ბრელ ზიტყვეფს დო ციტატეფს გუარანიშ ნინაშე. ბასტოსი ლათინოამერიკული ბუმიშ გვიანი პერიოდიშ ავტორო რე მერჩქინელი. ნოველეფიშ გარდა ბასტოსი რე ავტორი კუნტა თხობელუეფიშ, ესსეეფიშ, ლერსეფიშ, პოემეფიშ დო შხვადოშხვა ფილმეფიშ სცენარეფიშ. 1977 წანას ბასტოსიქ მიპალუ ესპანური ლიტერატურაშ არძაშე უმოსო პრესტიჟული ჯილდო სერვანტესიშ პრემია.

აუგუსტო როა ბასტოსი
დაბადებაშ თარიღი:

13 მანგი, 1917

დაბადებაშ აბანი:

ასუნსიონი, პარაგვაი

ღურაშ თარიღი:

პირელი 26, 2005 (87 წანერი)

ღურაშ აბანი:

ასუნსიონი, პარაგვაი

ერუანობა:

პარაგვაალი

საქვარუა:

ჭარუ, ნოველისტი, ჟურნალისტი

Magnum opus:

ადამიერიშ სქუა (1960)
მა, უმაღალაში (1974)

ჟანრი:

დიქტატორული რომანი

ნინა:

ესპანური ნინა

ჯილდოეფი:

სერვანტესიშ პრემია (1977)
საპატიო ლეგიონიშ ორდენი (1997)

გიშნაგორა ნახანდეფი რედაქტირაფა

რომანეფი რედაქტირაფა

  • Hijo de hombre (1960; ადამიერიშ სქუა)
  • Yo, el Supremo (1974; მა, უმაღალაში)
  • Vigilia del Almirante (1992)
  • El fiscal (1993)
  • Contravida (1994)

რესურსეფი ინტერნეტის რედაქტირაფა