აუშვიციშ საკონცენტრაციე კარე
საკონცენტრაციე კარე დო ღურაშ კარე აუშვიცი (საკონცენტრაციე კარე დო ღურაშ კარე ოშვიენჩიმი: გერმ. Konzentrationslager Auschwitz, პოლ. Obóz Koncentracyjny Auschwitz; საკონცენტრაციე კარე დო ღურაშ კარე ბირკენაუ: გერმ. Konzentrationslager Birkenau, პოლ. Obóz Koncentracyjny Birkenau, საკონცენტრაციე კარე დო ღურაშ კარე აუშვიც-ბირკენაუ: გერმ. Konzentrationslager Auschwitz-Birkenau, პოლ. Obóz Koncentracyjny Auschwitz-Birkenau) — ნაცისტური საკონცენტრაციე დო ღურაშ კარეეფიშ კომპლექსი, ნამუთ იდვალუაფუდჷ 1940—1945 წანეფს, ჟილენ სილეზიაშ გაუს (გერმ. Gau Oberschlesien), გენერალ-საგუბერნატოროშ ბჟადალშე, ნოღა ოშვიენჩიმიშ გოხოლუას, ნამუთ 1939 წანას, ჰიტლერიშ ზოჯუათ, მერსხუაფილქ იჸუ მასუმა რაიხიშ ტერიტორიაშა, კრაკოვიშ ბჟადალშე 60 კილომეტრიშ მეძენას. მოსოფელიშ პრაქტიკას მეღებული რე კარეშ გერმანული ჯოხოშ, „აუშვიციშ“ გჷმორინაფა[1], დო ვართ პოლონური „ოშვიენჩიმი“ ვარ-და „ოსვენციმი“, ანდანე ზუსტას გერმანული ჯოხოდვალა გჷმირინუაფუდუ ნაცისტური ადმინისტრაციაშით. პოლონეთის დუდშე საკონცენტრაციე კარეს ჯოხოდჷ „ოშვიენჩიმი“, („ოსვენციმი“), მარა ასეშო გჷმირინუაფუ ხვალე ჯოხო „აუშვიცი“, თიშ გეშა, ნამჷ-და მაქსიმალურო კვათიერი გინორთი უღჷდას ნაცისტური საკონცენტრაციე კარეს დო ჯვეში პოლონური ნოღაშ ჯოხოდვალასჷნ.
.JPG)
|
მოსოფელიშ მონძალა UNESCO, ობიექტი № 31 რუს. • ინგლ. • ფრ. |
1945 წანაშ 27 ღურთუთას კარე გადუდიშულჷ სხუნუეფიშ არმიაქ. კარეშ გოდუდიშლაფაშ დღა გოეროშით მერჩქინელი რე მუჭოთ ჰოლოკოსტიშ ნაკიბირეფიშ შვენაშ ერეფოშქაშე დღა.
დოხოლაფირო 1,1 მილიონი ადამიერი, ნამუეფშე მეხოლაფირო 1 მილიონს ურიეფი აკმადგინანდესჷნ, 1941—1945 წწ. ჸვილიქ იჸუ კარეს[2]. აუშვიც-ბირკენაუ ნაცისტური ჭყვიდუაშ კარეეფშე ართ-ართი არძაშე უშხუაში დო განწე ხანს მოქიმინჯე რდჷ, თეშ გეშა თიქ ჰოლოკოსტიშ ართ-ართი სიმბოლოთ გჷნირთუ.
1947 წანას, კარეშ ტერიტორიას დორსხუაფილქ იჸუ მუზეუმქ, ნამუთ მიშმურს იუნესკოშ მოსოფელიშ მონძალაშ ერკებულშა. მუზეუმი რეგისტრირაფილი რე პოლონეთიშ მუზეუმეფიშ სახენწჷფო რეესტრის.
რესურსეფი ინტერნეტის
აუშვიც-ბირკენაუ, ტურისტული მანჯღვერე Wikivoyage-ს- Drone footage, 2015 YouTube-ს
- Google Earth
- აუშვიც-ბირკენაუშ სახენწჷფო მუზეუმი.
- "Auschwitz". ააშ-იშ ჰოლოკოსტიშ მემორიალური მუზეუმი.
- "The Auschwitz Album" Archived 17 July 2018 ვებ-ხასჷლას Wayback Machine. . Yad Vashem.
- Auschwitz-Birkenau photographs by Bill Hunt.
სქოლიო
- ↑ Комитет всемирного наследия изменил название Аушвица. დოარქივაფილი რე ორიგინალშე 2010-07-04-ს.: Пресс-коммюнике № 2007-83 // ЮНЕСКО-ПРЕСС, 28 июня 2007.
- ↑ Auschwitz-Birkenau — The number of victims Archived 2018-10-04 ვებ-ხასჷლას Wayback Machine. (ინგლ.)
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |