ბჟაეიოლმარჩქინჯალა

ბჟაეიოლმარჩქინჯალა (თაშნეშე ორიენტალისტიკა) — ომენცარე დისციპლინა, ნამუთ ბჟაეიოლიშ ნინეფიშ, შურიელ დო მატერიალურ კულტურაშ დოგურაფათ რე დოკაფილი.

ანტიკური ასურეთიშ ნოსქილედეფი ბრიტანეთიშ მუზეუმს

ბჟაეიოლმარჩქინჯალა ევროპას

ევროპას, ბჟაეიოლმარჩქინჯალაქ, მუჭოთ აკადემიურ დისციპლინაქ, პარიზის 1795 წანას დირსხუ ჯოხოდვალათ — École spéciale des langues orientales. პარიზიშ თე სკოლას ოგურუანდჷ სილვესტრ სასი (Silvestre de Sacy, 1758—1838), ნამუქჷთ მუში მოღალობათ დიდი გოლინა იღვენუ ბჟაეიოლმარჩქინჯალაფონი მენცარობაშ გოვითარაფაშა. გერმანიას 1845 წანას დირსხუ გერმანიაშ ბჟაეიოლურ ჯარალუაქ, ნამუთ ასეშა დითმიგურუანს აზიაშ, აფრიკაშ დო ოკიანეთიშ ქიანეფს, თინეფიშ ნინეფს, ჯარალუეფს, კულტურეფს. ვენას 1886 წანას აკიქიმინჷ ორიენტალისტიკაშ ინსტიტუტიქ. ავსტრიაშ ნანანოღას რსებულ თე ინსტიტუტის დიოდღარო ფუნქციონირენს ჯვეშსემიტური ფილოლოგიაშ დო წჷმი აზიაშ არქეოლოგიაშ, არაბისტიკაშ დო თურქოლოგიაშ სპეციალობეფი.

ორიენტალისტიკაშ დისციპლინეფი რე: ასირიოლოგია, ირანისტიკა , თურქოლოგია, ოსმანისტიკა, სემიტოლოგია დო კანკალეშა სემიტოლოგიაშე გიშართილო გერე თაშნეშე არაბისტიკა დო ისლამოლოგია.

ზიტყვაშ ფართო გაგებათ აბჟაეიოლმარჩქინჯალა შილებე იკათუანდას ეგვიპტოლოგიასჷთ. ეგვიპტოლოგიას შხირას აფრიკანისტიკას მიორხველანა.

იაპონიასჷთ თაშნეშ რსებენს დისციპლინა, ნამუთ პიჯიშოთ ევროპაშ, ვარდა ბჟადალიშ დოგურაფათ რე დოკაფილი. (ქძ. რანგაკუ.)

თაშნეშე ქოძირით

• ორიენტალიზმი
• იაპონოლოგია, სინოლოგია
• აზიაშ დო აფრიკაშ ინსტიტუტი

რესურსეფი ინტერნეტის

• ქართიშ ივანე ჯავახიშვილიშ ჯოხოდვალაშ სახენწჷფო უნივერსიტეტი. ბჟაეიოლმარჩქინჯობა Archived 2007-07-08 ვებ-ხასჷლას Wayback Machine.
• გოეთეშ ჯოხ. ინსტიტუტი: გერმანული ორენტალისტიკა. კლასიკური ორიენტალისტიკაშ გლახა ჯოხოშ გეშა ისლამურ ოქიანუს
• რომან ლოიმეიერი: ედვარდ საიდი დო გერმანულნინამი ორიენტალისტიკა: Eine Kritische Würdigung. Wiener Zeitschrift für kritische Afrikastudien 2/2001, Jg. 1