დიდი ბრიტანეთიშ ომაფე
დიდი ბრიტანეთიშ ომაფე, ოფიციალურო დიდი ბრიტანეთი (ინგლ. Kingdom of Great Britain, Great Britain) — სუვერენული სახენწჷფო ბჟადალი ევროპას, 1707 წანაშ 1 მესიშე 1800 წანაშ 31 ქირსეთუთაშახ. ომაფექ დირსხუ 1707 წანაშ უნიაშ აქტით, ნამუქჷთ ინგლისიშ (იკათუანდჷ უელსის) დო შოტლანდიაშ ომაფეეფი ართი სახენწჷფოთ გაერთიანჷ. სახენწჷფოშ მამართალი პოლიტიკური ორგანო რდჷ პარლამენტი უესტმინსტერიშ დოხორეშე.
|
დიდი ბრიტანეთიშ ომაფე | |||||||||
| |||||||||
|---|---|---|---|---|---|---|---|---|---|
| |||||||||
| ჰიმნი "ღორონთი დოფორი მაფა" | |||||||||
 დიდი ბრიტანეთიშ ომაფე 1789 წანას | |||||||||
| ნანანოღა | ლონდონი | ||||||||
| ნინა | ინგლისური ნინა შოტლანდიურ-გელური ნინა უელსური ნინა ნორნი კორნული ნინა | ||||||||
| რელიგია | პროტესტანტიზმი (ინგლისიშ ეკლესია, შოტლანდიაშ ეკლესია) | ||||||||
| ფარაშ ართური | გირვანქა სტერლინგი | ||||||||
| დუდალაშ ფორმა | უნიტარული პარლამენტარული გვერდო კონსტიტუციური მონარქია | ||||||||
| მონარქი | |||||||||
| - 1707–1714 | ანა | ||||||||
| - 1714–1727 | ჯორჯ I | ||||||||
| - 1727–1760 | ჯორჯ II | ||||||||
| - 1760–1800 | ჯორჯ III | ||||||||
| პრემიერ-მინისტრი | |||||||||
| - 1760–1800 | რობერტ უოლპოლი (მაართა) | ||||||||
| - 1783–1800 | უილიამ პიტი უკულაში (ეკონია) | ||||||||
.svg)
.svg)
დუდშე ინგლისი დო შოტლანდია რდეს ზოხორინელი ომაფეეფი, მარა 1603 წანაშ გირგვინეფიშ უნიათ, შოტლანდიაშ მაფა ჯეიმს VI-ქ, თაშნეშე გინირთჷ ინგლისიშ დო ირლანდიაშ მაფათ. ჯეიმსი რდჷ მაართა მაფა, ნამუთ მუში დუს უძახუდჷ დიდი ბრიტანეთიშ მაფას. ჯეიმსიშ პერიოდიოშე, ბრელშა რდჷ ცადებეფი ბრიტანული ომაფეეფიშ პოლიტიკური გოართოიანაფაშ, მარა ვართ ინგლისიშ დო ვართ შოტლანდიაშ პარლამენტიქ თენა ვემიღჷ.
დიდი ბრიტანეთიშ ომაფე რდჷ ართ-ართი დომინანტური სახენწჷფო მოსოფელიშ მასშტაბით. თინა დომინირენდჷ ინდოეთიშ სუბკონტინენტის, ოორუე ამერიკას. ამერიკაშ რევოლუციური ლჷმაშ (1775-1783) შედეგო ბრიტანეთიშ ამერიკული კოლონიეფქ მიპალუ ზოხორინელობა დო დირსხუ ამერიკაშ აკოართაფილი შტატეფქ. 1787 წანაშე ბრიტანეთიქ დიჭყჷ ახალი ობჟათე უელსიშ კოლონიზაცია.
1800 წანაშ უნიაშ აქტით დიდი ბრიტანეთიშ ომაფექ გეერთიანჷ ირლანდიაშ ომაფეწკჷმა დო დირსხუ ახალი სუვერენული სახენწჷფოქ — დიდი ბრიტანეთიშ დო ირლანდიაშ გოართოიანაფილი ომაფექ.
ლიტერატურა
რედაქტირაფა- Colley, Linda (2009). Britons: Forging the Nation 1707–1837 (2nd ed.). Yale University Press.
- Cowie, Leonard W (1967). Hanoverian England, 1714–1837.
- O'Gorman, Frank (1997). The Long Eighteenth Century: British Political and Social History 1688–1832.