ანა (დიდი ბრიტანეთი)
ანა (ინგლ. Anne) (დ. 6 ფურთუთა, 1665 – ღ. 1 მარაშინათუთა, 1714), ინგლისიშ დო შოტლანდიაშ დიაფალი სტუარტეფიშ დინასტიაშე 1702–1707 წანეფს დო დიდი ბრიტანეთიშ დიაფალი 1707–1714 წანეფს. ჯეიმზ II-შ დო მარია დ’სტაშ ცირასქუა. 1683 წანას, ჩილო აჸუნჷ დანიაშ მაფაშ ფრედერიკ III-იშ ქომოლსქუას გეორგის.
| ანა | |
| Anne | |
 | |
| ინგლისიშ დო შოტლანდიაშ დიაფალი | |
| დუდალ. დაჭყაფუ: | 8 მელახი 1702 |
|---|---|
| დუდალ. დათებუ: | 1 მესი 1707 |
| კორონაცია: | 23 აპრილი 1702 |
| წიმოხონი: | უილიამ III |
| მონძე: | ტიტულქ გეუქვუ |
| დაბ. თარიღი: | 6 ფურთუთა, 1665 |
| დაბ. აბანი: | ლონდონი, ინგლისიშ ომაფე |
| ღურ. თარიღი: | 1 მარაშინათუთა, 1714 (49 წანერი) |
| ღურ. აბანი: | ლონდონი, დიდი ბრიტანეთიშ ომაფე |
| ალმასქუ: | ჯორჯ დანიელი |
| სქუალეფი: | 1 |
| დინასტია: | სტიუარტეფი |
| მუმა: | ჯეიმზ II |
| ნანა: | მარია დ’სტა |
| რელიგია: | ანგლიკანი |
ანა სტიუარტი ტორიალი დიაფალი რდჷ. მუში მეჯინეფშე გიშნაველი თინა ირო თე პარტიაშჸურე რდჷ დო ირო ართგური რდჷ ანგლიკანური ოხვამეშ. დიაფალი გიშეგორუდჷ ჯგირი ხასიათით დო რდილობათ, მარა ვარდჷ ჭკვერი, რდჷ უგუბედუ დო ელმაჩამალეფშა ძალამ მიკობუნელი. მაართა ხანეფს თიშა დიდი გოლინა უღუდჷ ჰერცოგ მალბოროშ დო თიშ ჩილს, სარას. ესპანეთწკჷმა წჷმოძინელი ლჷმა, ნამუთ ანაშ მართუალაშ ედომუშამ პერიოდის მიშჷნ, ჰერცოგ მალბოროშ ჭყოლოფუა რდჷ. უმკუჯინალო პოლიტიკაშ წჷმოძინაშე, ანა წუხენდჷ ვიგეფიშ პატჷნალათ. ბორჯეფიშ გოძვენას დიაფალს დო სარა მალბოროშ შქას ურთიართობეფქ გორგიდჷ. თიში აბანი ახალნორდ აბიგალ მეშემქ დიკუ. თიშ გოლინათ, დიაფალქ თარობაშე დეთხინუ მუსხირენ ვიგი დო მართუალა ლორდ ბლინგბროკის გეგნოჩჷ. 1713 წანას თიქ მახერხჷ საფრანგეთწკჷმა ძალამ მომგებიანი ზეშ დოდვალა. ინგლისიქ გიბრალტარიშ დო მინორკაშ მოხ მიღჷ ფრანგული დიხეფი ამერიკას — ახალი შოტლანდია, ჰუდსონიშ ჸუჯიშ დიხეფი, ნიუფაუნდლენდი დო სან-კრისტოვი.
1707 წანას მოხვადჷ შხვა მოლინაქ — ინგლისიქ დო შოტლანდიაქ ართ სახენწჷფოთ გეართიანჷ, ნამუსჷთ დიდი ბრიტანეთიქ გიადჷ. თიმ ბორჯიშე პარლამეტის შოტლანდიარი მაკათურეფი ხოლო გიშეგორუაფუდეს.
ანას 13 სქუა ჸუნდჷ, მარა არძოქ ჩჷჩქჷჩქობას დოღურჷ. თიში ღურაშ უკული მეჭყორდჷ სტიუარტეფიშ დინასტიაქ ხოლო, ნამუთ 100 წანმოწანაშე უმოსის მართუნდჷ ინგლისისჷნ.
ლიტერატურა
რედაქტირაფა- Рыжов, K. (1999). Энциклопедия - Все монархи мира - Западная Европа. Вече, Москва. ISBN 5-7838-0374-X