დიოდორე სიცილიარი
დიოდორე სიცილიარი (ბერძ. Διόδωρος Σικελιώτης, ლათ. Diodorus Siculus; ჯვ. წ. I ოშწანურა) — ჯვეში ბერძენი ისტორიკოსი. შინელი რე მონუმენტური ნახანდით ისტორიული ბიბლიოთეკა, ნამუთ იკათუანდჷ ჟარნეჩი წინგის. ჩქინი ბორჯიშა თელო მაჭირინუ ვითოხუთიქ. ისტორიული ბიბლიოთეკა ირთუ სუმი ნორთო.
| დიოდორე სიცილიარი | |
 | |
| დაბადებაშ თარიღი: |
ჯვ.წ. I ოშწანურა |
|---|---|
| დაბადებაშ აბანი: | |
| ერუანობა: | |
| საქვარუა: | |
| Magnum opus: | |
| ჟანრი: | |
| ნინა: | |
წინგიშ მაართა ამშვი წინგი გეოგრაფიული ხასიათიში რე დო ეთმოჭარუნს ეგვიპტეშ (I წინგი), შქაწყარმალონაშ, ინდოეთიშ, სკვითეფიშ სახენწჷფოშ, არაბეთიშ (II), ოორუე აფრიკაშ (III), საბერძნეთიშ დო ევროპაშ (IV-V) ისტორიას დო კულტურას. გეჸვენჯი ნორთის (წინგეფი VII–XVII) მოჩამილი რე კოჩიშობაშ ისტორია ტროაშ ლჷმაშე ალექსანდრე მაკედონარიშ ღურაშახ. ეკონია ნორთის (XVII წინგიშე ბოლოშა) ეჭარილიე ისტორიული მოლინეფი დიადოქოსეფიშ პერიოდიშე ჯვ.წ. 60 წანაშახ.
წინგიშ ჭარუაშ ბორჯის დიოდორე ირინუანდჷ წოხოლიანი პერიოდიშ ავტორეფიშ, მაგალთო: ეფორეშ, თეოპომპეშ, ფილისტეშ, პოლიბიოსიშ დო შხვეფიშ ნაჭარეფს.
დიოდორე სიცილიარიშ ბიოგრაფიაშე ბრელი მუთუნი ვარე რჩქინელი. მუში წინგიშე ბგებულენთ ნამდა თინა დაბადებე სიცილიაშ ნოღა აჯირას.