ერატოსთენე
ერატოსთენე კირენალი (ბერძ. Ἐρατοσθένης ὁ Κυρηναῖος; დ. დოხოლაფირო ჯვ.წ. 276, კირენა (ასეიან ლიბია) — ღ. დოხოლაფირო ჯვ. წ. 194, ალექსანდრია) — ბერძენი მათემატიკოსი, გეოგრაფი, ასტრონომი დო პოეტი. გურაფულენდჷ კირენაშ გიმნაზიას, უკულ გურაფა გაგინძორჷ ათენს, სოდეთ სტოიციზმის გურაფულენდჷ. გურაფაშ თებაშ უკულ ალექსანდრიაშა მიდართჷ დო რდჷ ალექსანდრიაშ ბიბლიოთეკაშ თარი ბიბლიოთეკარი. ერატოსთენე მოღალენდჷ მენცარობაშ შხვადოშხვა დარგეფს. რდჷ გეოგრაფიაშ დუმარსხუაფალი. მიშეღჷ გეოგრაფიული ტერმინეფი, ნამუეფი ამდღა ხოლო გიმირინუაფჷ. ერატოსთენე რდჷ ქრონოლოგიაშ დუმარსხუაფალი, დაზუსტჷ ტროაშ ლჷმაშ შხვადოშხვა თარიღეფი. რიცხუეფიშ თეორიას ერატოსთენექ გიმიგონჷ ერატოსთენეშ ტკიბირი, ნამუშ გჷმორინაფათ შილებე მარტივი რიცხუეფიშ იდენტიფიკაცია. ერატოსთენე რდჷ მაართა მენცარი ნამუქჷთ ზიმუ დიხაუჩაშ მერიდიანიშ სიგინძა. ერატოსთენე რდჷ ავტორი მენცარული დო ფილოსოფიური ტრაქტატეფიშ. ერატოსთენეშ ნაჭარეფიშ უმენტაშობა დინაფილი რე.
| ერატოსთენე | |
| ბერძნ. Ἐρατοσθένης ὁ Κυρηναῖος | |
 | |
| დაბადებაშ თარიღი: |
დოხოლაფირო ჯვ.წ. 276 |
|---|---|
| დაბადებაშ აბანი: | |
| ღურაშ თარიღი: |
დოხოლაფირო ჯვ. წ. 194 (82 წანერი) |
| ღურაშ აბანი: | |
| ომენცარე სფერო: | |
| სამუშაშ აბანი : | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჩინებული რე მუჭოთ: |
გეოგრაფიაშ დო ქრონოლოგიაშ დუმარსხუაფალი, ერატოსთენეშ ტკიბირიშ გჷმმაგონებელი |
რესურსეფი ინტერნეტის
რედაქტირაფა
- English translation of the primary source for Eratosthenes and the size of the Earth at Roger Pearse.
- Bernhardy, Gottfried: Eratosthenica Berlin, 1822 (PDF) (Latin/Greek), Reprinted Osnabruck 1968 (German)
- Eratosthenes' sieve in Javascript Archived 2001-03-01 ვებ-ხასჷლას Wayback Machine.
- About Eratosthenes' methods, including a Java applet
- Measuring the Earth with Eratosthenes' method