ვოლფ ბირმანი
ვოლფ ბირმანი (Karl Wolf Biermann, 16 გერგობათუთა, 1936, ჰამბურგი) – გერმანალი პოეტი, მობირე დო დისიდენტი.
ორდოული წანეფი
რედაქტირაფადებადუ 1936 წანას ჰამბურგის, ნიშოკიდუ ზეინკალიშ ფანიას. დიდა მუშა–მაშუალი რდჷ. თინეფი კომუნისტეფი რდეს დო ფაშისტეფიშ მეხჷ ლჷმენდეს. მუმა გორხვეს ოკონცენტრაციე ბანაკ ოსვენციმს 1942 წანას. ბაღანობაშ გოშინეფი ლჷმას ორსხუ. ლჷმაშ ოშქურანჯობეფიშ გჷშნაძახებუ მუში მიარე ბირას ისჷმე, გჷშაკერძაფილო ჭვებულო ბალადას „ელბა ჰამბურგწკჷმა“ (1993). 16 წანერი ჰამბურგის იტალენც დო გერმანიაშ დემოკრატიულ რესპუბლიკაშა გჷნმურც.
ბჟადალი გერმანია
რედაქტირაფაბირმანი 1957–1959 წანეფც ბერლინც გურაფულენც პოლიტიკურ ეკონომიას, ოდო უკული ფილოსოფიას დო მათემატიკას ბერლინიშ ჰუმბოლდტიშ ჯოხონობაშ უნივერსიტეტის. თე ბორჯისჷთ რეჟისორიშ ასისტენტო მუშენც ბერტოლდ ბრეხტიშ თეატრის „ბერლინერ ანსამბლი“, მუქუთ მუში ქიმერონული პრინციპეფიშ ფორმირაფაშ შანულამი სკოლათ გინირთჷ. დუდო დარსხუ მუშეფიშ დო სტუდენტეფიშ თეატრი, ნამუსუთ თიში აკრძალვაშახ ხემანჯღვერენდუ. თე პერიოდშენო იჭყაფუ ვოლფ ბირმანიშ ინტენსიური ქიმერონული დო ჯარალუობური ქარანუა, უკვე მუჭოთ დისიდენტიში. მუში ბირეფი დო მუსიკა ტყობაშე იფაჩუ, თინეფიშ ავტორი ხოლო უმოსი მეუღებელო გინმირთუ გდრ–შ პარტიული სისტემაშო. 1965 წანას გერმანიაშ ართამი სოციალისტური პარტიაშ ცკ–შ XI პლენუმს ვოლფ ბირმანი რეაქაციაშ მოინალეთ („რეაქციაშ ჯაჭვიშა გეკირილი ჯოღორო“) დო დორხველი მუმაშ მაჸვილარეფიშ მარსხუთ გეგმაცხადეს, თის ეკრძალუ მუჭოთ ნაწარმებეფიშ გჷმობჟინუაქ, თეში ოჯარე გჷშულეფქ. თე ვითოჟირწანამი პერიოდის ბირმანი უძახუ „ტოტალიტარული წკვარამიშ ლანდეფიშ ოუფალეს“, ოდო მუშ დუც „გდრ–შ ორფეოსის“. 1976 წანას გდრ–შ ხემენჯღვერობაქ გფრ–ს ბირმანიშ ოგასტროლე–ოკონცერტე შარალუათ ქირგებუ დო თის ქიანაშ მენოღალობა გეგლანწყუ. თე ბიჯგის დიდი ოპროტესტე გჷშულეფქ მაჸუნუ გდრ–შ ჭარუეფიშ დო ინტელიგენციაშ ჸურეშე. ბირმანქ მუში დუც „ოდაბადეს გინორაჸილი“ ქიგიოდუ.
ბჟადალუ გერმანიას
რედაქტირაფაბირმანი ვართ გოართამაფილი გერმანიას გინაფულენც დუც კომფორტულო, ოჭვე პრობლემეფც გჷმეხონარებუ ბირეფით „ვა გუმობჩათ!“ (1989), „ბერლინური კულე ბირა“ (1989), „ჩქიმი ყია მეჭვილიე “ („1990“), „თვალუა“ (Lamento, „1991“) დო შხვ.
ბირმანი საქორთუოს
რედაქტირაფა1996 წანაშ პირელც ბირმანი საქორთუოს ორდჷ. თიქ რუსთაველიშ თეატრიშ მორჩილი დარბაზის კონცერტი გამანჯუ. თიწკუმა შეხვალამა მანწყუ კავკაციური ჸუდექ. თაქ მუში ლერსიშ ქორთული ნათანგეფი წეკითხეს ნაირა გელაშვილქ დო ვახუშტი კოტეტიშვილქ.
ლიტერატურა
რედაქტირაფა- ნათელა ხუციშვილი, მთარგმნელისაგან, „ჩვენი მწერლობა“, №16, 2006 წ., ხს.57
რესურსეფი ინტერნეტის
რედაქტირაფა- Official Website
- Wolf Biermann[ღურელი რსხილი]: Bio, excerpts, interviews and articles in the archives of the Prague Writers' Festival
- Biermann Interview Archived 2007-06-10 ვებ-ხასჷლას Wayback Machine.
- Biography in German
- Wolf Biermann singing Hasta Siempre
- The ghosts are leaving the shadows on "The Life of the others", a film about the Stasi, the East German Secret Police. Biermann comments on its closeness to reality.