ზალცბურგი

ნოღა ავსტრიას, ზალცბურგიშ ფედერალური დიხაშ ნანანოღა

ზალცბურგი (გერმ. Salzburg) — ავსტრიაშ სიკაბეტათ მაანთხა ნოღა ვენაშ, გრაციშ დო ლინციშ უკული; ზალცბურგიშ ფედერალური დიხაშ ნანანოღა. იდვალუაფუ ზალცბურგიშ რზენს, წყარმალუ ზალცახიშ წყარპიჯეფს. ზალცბურგის ოორუე-ბჟადალშე უხურგანს ბავარიას მადვალუ ნოღა ფრაილასინგი, შხვა აბანშე ედომუშამო ზალცბურგ-უმგებუნგიშ ოლქი (Salzburg-Umgebung) ომძღუ მუკი-მუკი.

ნოღა
ზალცბურგი
გერმ. Salzburg
შილა გერბი
შილა გერბი
ქიანა ავსტრიაშ შილა ავსტრია
ფედერალური დიხა ზალცბურგი
კოორდ. 47°48′00″ ოორ. გ. 13°02′00″ ელ. გ. / 
მაართა შინუა ჯვ. წ. 15
ორდოიანი ჯოხოეფი იუვავუმი
ფართობი 65,65 კმ²
ცენტრიშ სიმაღალა 424
ოფიციალური ნინა გერმანული
მახორობა 155.416 კოჩი (2022)
მეჭედალა 2367 კოჩი/კმ²
ბორჯიშ ორტყაფუ UTC+1, ზარხულს UTC+2
ტელ. კოდი 0662 (ოერეფოშქაშე: +43 662)
ოფოსტე ინდექსი 5020, 5023, 5026, 5061, 5071, 5081, 5082
ოავტომობილე კოდი S
ოფიციალური ვებ-ხასჷლა www.stadt-salzburg.at/

ზალცბურგი ორენი ავსტრია

ზალცბურგი
ზალცბურგიშ ჯვეში განობა — ალტშტადტი სერით
ზალცბურგიშ რზენიჭ პანორამა ალპეფიშე
ალტშტადტიშ პანორამა მიოჯინით ჰოენზალცბურგიშ ჯიხაშა დო კაპუცინენბერგშა
ჰოენზალცბურგიშ ჯიხაზურგა
ნოღაშ გიოჯინუ გაისბერგიშ გვალაშე

488 წანაშე დიჭყუ ათე აბას მადვალუ რომაული ნოღაშ, იუვავუმიჭ დოდაღარაფაქ. 696 წანას, ზალცბურგიქ ზეაზალშო სირსხუ, მუჭოთ საეპისკოპოსე ცენტრი, 798 წანაშე უკვე თარეპისკოპოსიშ სარეზიდენციე ნოღა რე. ზალცბურგიშ თარი მიშნაველი რესურსი რდუ ჯიმუშ მოპალუა დო ვაჭრუა, თაშნეშე გეძინელ წყუს წუმარინუანდუ ორქოშ მოპალუათ. ნოღაშ სიმბოლო, ჰოენზალცბურგი ასეიან ევროპას ართ-ართი უკაბეტაში ჯიხაზურგა რე დო თიში თარი ნორთი XI ოშწანურას რე აკოგაფილი. XVII ოშწანურაშე, თარეპისკოპოს ვოლფ დიტრიხიშ დო თიში ნოგორეფიშ პერიოდის, ზალცბურგიქ, მუჭოთ თარეპისკოპოსეფიშ რეზიდენციაქ, მუში თარ ბარჩხალუა მიპალუ. ათე პერიოდის აკიგუ ჰელბრუნიშ დოხორექ დო თიშ პარკიქ, შადრევანეფქ დო თარ გამზირეფქ ნოღას. არძაშე ჩინებულ ზალცბურგელო ჯოხოიდვალუაფუდუ 1756 წანას თაქ დუნაბადი ვოლფგანგ ამადეუს მოცარტი, ნამუშ გეშა ნოღას შხირას ზედმეტი ჯოხოთ მიშინუანა — „მოცარტშტადტი“ (გერმ. Mozartstadt, მოცარტიშ ნოღა); მოცარტიშ ჯოხო უღუ თაშნეშე ზალცბურგიშ აეროპორტიაით. ზალცბურგიშ ჯვეში ნოღა თიში მოსოფელა ჯოხოგოლაფირი ბაროკოშ არქიტექტურით გერმანულნინამი მოსოფელიშ ართ-ართი საუჯგუშოთ ასქილადირი ნოღაშ ცენტრი რე დო 1996 წანააე იუნესკოქ მოსოფელიშ კულტურული მონძალაშ ძეგლეფიშ ერკებულშა გენშიღუ.

ასწ ზალცბურგ8ს შხირას იმანჯებუ გუმოფინუეფი დო კონგრესეფი, ნოღას ანდათ რე ოვაჭარწ დო შხვადოშხვა ნინალაშ ობიექტეფი, თაშნეშე გოვითარაფილი რე ტურიზმით. ოერედოშქაშე შანულობას ნოღას, შხვა ანდაწკუმა ართო, არზენს ზალცბურგიშ ფესტივალფი, ნამუშ ჭუოლოფუათ ზალცბურგის ხოლო ართი ზედმეტი ჯოხოქ — „ფესტშპილშტადტი“ (Festspielstadt, ფესტივალიშ ნოღა) მიაჩუ. ხეონწყუე ორენიშ გეშა, ზალცბურგის გიშმურს ევროპაშ მუსხირენი ოერეფოშქაშე მაგისტრალი, მუჭოთ ტრანსალპური, თეშ ბჟაეიოლ-ბჟადალიშ მალობათ. ნოღა გიშეგორუაფუ ალპური ორთათ. ზალცბურგი თაშნეშე სტუდენტური ნოღა რე ქიანაშ სუმი უშხუაში უნივერსიტეტით.

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ:
  მოსოფელიშ მონძალა
UNESCO, ობიექტი № 784
რუს.ინგლ.ფრ.
  • stadt-salzburg.at, ნოღა ზალცბურგიშ ოფიციალური საიტი
  • salzburg.gv.at, ზალცბურგიშ ფედერალური დიხაშ ოფიციალური საიტი
  • salzburg.at, SALZBURG.AT – პლათფორმა ზალცბურგიშ რეგიონიშო