თომას აბტი
თომას აბტი (გერმ. Thomas Abbt; დ. 25 გერგობათუთა, 1738, ულმი — ღ. 3 გერგობათუთა, 1766, ბიუკებურგი) — გერმანალი ფილოსოფოსი დო ჭარუ. დებადჷ ნიღაბეფიშ ორსანტიშ ფანიას. 1756 წანას მოხვადჷ ჰალეშ უნივერსიტეტის, სოდეთ მათემატიკას დო ფილოსოფიას გურაფულენდჷ. 1760 წანაშ ოგურუანდჷ ფილოსოფიას ოდერიშ ფრანკფურტის, უკული მათემატიკას რინტელნის, 1761-62 წანეფს ჟირხოლო საგანს ბერლინს. ბერლინს რინაშ ბორჯის იჩინებაფუ კრისტოფ ფრიდრიხ ნიკოლაი დო ქაკათჷ თიშ „ბერლინურ წირეს“, ხოლო დეხოლჷ მოზეს მენდელსონს. საფრანგეთის 9 თუთიანი რზალუაშ ბორჯის, ჟენევაშ გოხოლუას, ფერნის, ვოლტერწკჷმა ჩიება ხოლო მახერხჷ. დიდი პოპულარობა მოუღჷ 1765 წანას ბერლინს გჷშაშქუმალირ ნახანდიქ „დოინალაფეფიშ გეშა“ («Vom Verdienst»). თე წანას გინოჭყვიდჷ გრაფ ვილჰელმ შაუმბურგ-ლიპსკიშ სამაფო კარიშ ალმაჩამალო გინორთედჷკონ, მარა მალას დიღუპჷ ჰემოროიდეფიშ ლახარაშ გეშა. თიშ ნახანდეფქ თიში ღურაშ უკული გჷშართჷ 6 ტომო. «Vermischten Werke» (6 ტ. 1768-81 წწ., მა-2 გჷშაშქ. 1790 წ.).
| თომას აბტი | |
| გერმ. Thomas Abbt | |
 | |
|
ბიოგრაფიული ჩინებეფი
| |
| დაბადებაშ თარიღი |
25 გერგობათუთა, 1738 |
|---|---|
| დაბადებაშ აბანი | |
| ღურაშ თარიღი |
3 გერგობათუთა, 1766 |
| ღურაშ აბანი | |
| ერუანობა | |
ლიტერატურა რედაქტირაფა
- Eva Piirimäe, "Dying for the fatherland: Thomas Abbt’s theory of aesthetic patriotism," History of European Ideas, 35,2 (2009), 194-208.
- Bender, A. (1922). Thomas Abbt.