კარუსი

მარკუს ავრელიუს კარუსი (ლათ. Marcus Aurelius Carus; დ. დოხოლაფირო 222 — ღ. კვირკვე ვარდა მარაშინათუთა, 283) — რომიშ იმპერატორი 282-283 წანეფს.

კარუსი ლათ. Carus
აურეუსი კარუსიშ გჷმოხანტუათ
რომიშ იმპერატორი
პოსტის გერინაშ ბორჯი
ეკენია, 282 – კვირკვე, 283
წიმოხონი	პრობუსი
მონძე	კარინუსი დო ნუმერიანე
დუნაბადი	დოხ. 222 ნარბონი, ნარბონიშ გალია
ნაღურა	კვირკვე ვარდა მარაშინათუთა, 283 (61 წანერი) ტიგროსიშ მელე, სასანიანეფიშ იმპერია
სქუალეფი	კარინუსი ნუმერიანე პაულინა
რელიგია	რომაული რელიგია

კარუსის უკინებუდჷ ომენოღალე დო ოურდუმე პოსტეფი. შხვადოშხვა ბორჯის რდჷ კონსული დო სენატორი. 282 წანას, იმპერატორი პრობუსიქ ქუდარინუ პრეტორიანალეფიშ გვარდიაშ პრეფექტო. პრობუსიშ ღურაშ უკულ, ხეშულობა კარუსიქ ქაშეჸოთჷ ხეშა. ლათინური ისტორიული წყუეფიშ მეჯინათ, თინა იმპერატორო მუში ჯარიშკოჩეფს გიმუცხადებუნა. ბერძენული წყუეფიშ ვერსიათ კარუსიქ ეარყჷ პრობუსიშ მეხჷ დო თინა დაჸვილაფუ.

იმპერატორობაშ ბორჯის, კარუსი წჷმოძინელო ოლიმუდჷ გერმანული ტომეფს (კვადეფი), თაშნეშე სარმატეფს. ოურდუმე ექსპედიციეფიშ მიმალობას, რომალეფქ გოჭყვიდეს დოხოლაფირო 16,000 კვადი დო 20,000 ტყვეთ ქაშეჸოთეს ხეშა. უკულ, კარუსიქ გაგინძორჷ ლესქერობეფი დო მანწყუ ოურდუმე კამპანია თრაკიას დო ანატოლიას. უკულ, თიქ ქიდეკინჷ მესოპოტამია, სელევკია დო გეჭოფუ სასანიანეფიშ იმპერიაშ ნანანოღა ქტესიფონი. სასანიანეფიშ მამართალი ბაჰრამ II ლჷმეფს აწარმენდჷ თეხანური ავღანეთიშ ტერიტორიას დო კარუსიშ ლესქერობაშა ეფექტურო ვაწარინჷ. კარუსის უკულ ხოლო ულამუდჷ ექსპედიციაშ გაგინძორება, მარა 283 წანაშ კვირკვეს დოღურჷ. ართი ვერსიათ თის მეხიქ ქიგიანთხჷ. შხვა ალტერნატიული ვერსიათ კარუსი მუწამალუნა.

ქოძირით თაშნეშე

• მასუმა ოშწანურაშ კრიზისი

ლიტერატურა

• ენციკლოპედია ბრიტანიკა