კლემენს ფონ მეტერნიხი
კლემენს ვენცელ ლოთარ ფონ მეტერნიხი (გერმ. Klemens Wenzel Lothar von Metternich; დ. 15 მესი, 1773 — ღ. 11 მანგი, 1859) — ავსტრიალი სახენწჷფო მოღალე, პოლიტიკოსი დო დიპლომატი, ავსტრიაშ იმპერიაშ გალენი საქვარეფიშ მინისტრი 1809-1848 წანეფს დო კანცლერი 1821-1848 წანეფს.
| კლემენს ფონ მეტერნიხი გერმ. Klemens von Metternich | ||
 კლემენს ფონ მეტერნიხი (ტომას ლოურენსიშ ნახანტა, 1815 წანა) | ||
| ავსტრიაშ იმპერიაშ კანცლერი | ||
|---|---|---|
| პოსტის გერინაშ ბორჯი | ||
| 25 მესი, 1821 – 13 მელახი, 1848 | ||
| მონარქი | ფრანც I ფერდინანდ I | |
| წიმოხონი | პოსტიქ გიჭყჷ | |
| მონძე | ფრანც ანტონ კოლოვრატ-ლიბშტეინსკი, მუჭოთ მინისტრი-პრეზიდენტი | |
| პოსტის გერინაშ ბორჯი | ||
| 8 გჷმათუთა, 1809 – 13 მელახი, 1848 | ||
| მონარქი | ფრანც I ფერდინანდ I | |
| წიმოხონი | იოჰან ფილიპ ფონ შტადიონი | |
| მონძე | კარლ ლუდვიგ ფონ ფიკელმონი | |
| დუნაბადი | 15 მესი, 1773 კობლენცი, საღორონთო რომიშ იმპერია | |
| ნაღურა | მანგი 11, 1859 (86 წანერი) ვენა, ავსტრიაშ იმპერია | |
| მენოღალობა | .svg){kind=small} საღორონთო რომიშ იმპერია ავსტრიაშ იმპერია გერმანიაშ კონფედერაცია | |
| ერუანობა | ავსტრიალი | |
| გონათაფა | სტრასბურგიშ უნივერსიტეტი მაინციშ უნივერსიტეტი | |
| რელიგია | კათოლიციზმი | |
| ხეშმოჭარუა |  | |
დებადჷ 1773 წანაშ 15 მესის, დიპლომატიშ ფანიას. კლემენს მეტერნიხიქ ჯგირი გონათაფა მიღუ. გურაფლენდჷ იურისპრუდენციას სტრასბურგიშ დო მაინციშ უნივერსიტეტეფს. უკინებუდჷ შხვადოშხვა დიპლომატიური პოსტეფი. რდჷ ავსტრიაშ ელჩი დიო პრუსიას დო უკულ საფრანგეთის. 1809 წანაშ 8 გჷმათუთაშე უკინებუდჷ ავსტრიაშ გალენი საქვარეფიშ მინისტრიშ პოსტი. თიში მინისტრობაშ ბორჯის ავსტრიაქ გაუჯგუშჷ ურთიართობა საფრანგეთიწკჷმა. მარა უკულ, ავსტრია მაამშვა კოალიციაშ ლჷმას, მორსხუეეფიწკჷმა ართო ლჷმენდჷ საფრანგეთიშ მეხჷ. კოალიციაშ მაკათურეფქ დამარცხეს ნაპოლეონი დო ფონტებლოშ ხეკულუათ, 1814 წანაშ 11 პირელს, ავსტრიაშ, პრუსიაშ დო რუსეთიშ წჷმმარინაფალეფქ, ნაპოლეონი იმპერატორობაშე გეგნარინეს დო თინა ელბაშ კოკიშა გეგნახორეს.
მეტერნიხი ხემანჯღვერენდჷ ვენაშ კონგრესის. ჸათაქ გომორძგვილი სახენწჷფოეფქ გირთეს პოსტ-ნაპოლეონური ევროპა. ავსტრიაქ დირთინუ ტიროლი, ზალცბურგი დო მიპალუ ლომბარდია-ვენეცია დო რაგუსა.
მეტერნიხიშ ხემანჯღვერობათ, საირქიანო კონგრესიშ "მეტერნიხიშ სისტემა" იგინძარებუდჷ დოხოლაფირო ვითი წანაშ გოძვენას, მუჟამსჷთ ავსტრია უმოს ხოლოს რუსეთიწკჷმა რდჷ. 1821 წანაშე მეტერნიხის უკინებუდჷ სახენწჷფო კანცლერიშ პოსტი, ავსტრიაშ მონარქეფიშ ფრანც I-შ დო ფერდინანდ I-შ მართუალაშ ბორჯის. 1848 წანაშ რევოლუციეფიშ შედეგო, მეტერნიხის პოსტიქ დატებელქ აჸუ. მეტერნიხიქ ავსტრია ხოლო ქიდიტუ დო 1851 წანაშახ ლონდონს, ბრაიტონს დო ბრიუსელს ცხოვრენდჷ.
კლემენს ფონ მეტერნიხი რდჷ ტრადიციული კონსერვატორი დო თხილანდჷ საირქიანო ურთიართობეფიშ ბალანსის. თინა ოპონირენდჷ რუსეთიშ დო ოსმალეთიშ ტერიტორიული ამბიციეფს ევროპას. მეტერნიხის ვამოწონდჷ ლიბერალიზმი დო ლჷმენდჷ ავსტრიაშ იმპერიაშ ართოიანობაშო. ჸათე ღანკით, ირინუანდჷ ცენზურას დო თემბელეფიშ ფართო რშვილს.
მეტერნიხიშ ჰობი მუსიკა რდჷ. მოწონდჷ ჰაიდნი, ბეთჰოვენი, როსინი, ლისტი დო შტრაუსი.
ლიტერატურა
რედაქტირაფა- Cecil, Algernon (1947). Metternich (3rd ed.). London: Eyre and Spottiswoode.
- May, Arthur J. (1963). The Age of Metternich 1814–1848.