ლვოვი

ლვოვი
	ნოღა ლვოვიშ ოპერაშ დო ბალეტიშ თეატრი
შილა	გერბი
ქიანა	უკრაინა
ოლქი	ლვოვი
რაიონი	ლვოვი
კოორდ.	49°51′00″ ოორ. გ. 24°01′00″ ელ. გ. /
დინოხოლენი დორთუალა	6 რაიონი
მერი	ანდრეი სადოვი
მაართა შინუა	1256
ფართობი	182,01 კმ²
ცენტრიშ სიმაღალა	289 მ
ოფიციალური ნინა	უკრაინული
მახორობა	724 713 კოჩი (2019)
მეჭედალა	3982 კოჩი/კმ²
ბორჯიშ ორტყაფუ	UTC+2, ზარხულს UTC+3
ტელ. კოდი	+380 32
ოფოსტე ინდექსი	79000–79490
ოფიციალური ვებ-ხასჷლა	www.city-adm.lviv.ua/
	ლვოვი

ლვოვი (უკრ. Львів; პოლ. Lwów; რუს. Львов; გერმ. Lemberg) — უდიდაში ნოღა ბჟადალ უკრაინას, ლვოვის ოლქიშ დო რაიონიშ ადმინისტრაციული, კულტურული და ოგონათუე-ომენცარე ცენტრი რე. შხუ ორეწუალე ცენტრი დო ოტრანსპორტე ნოსქვი. მახორობას უჯოხონა გალიციაშ დო ბჟადალ უკრაინაშ ნანანოღა. 2019 წანაშო, ნოღას 724 713 ადამიერი ოხორანდჷ, ნამუეფშე 88% უკრაინალი, 9% რუსი დო 1% პოლონარი რდჷ, გეძინელი 200 000 ადამიერი ირდღარო მიშმეშჷ გალეგანობეფშე. მახორობაშ მეჯინათ, ლვოვი ქიანაშ მაშქვითა ნოღა რე.

ლვოვი, ართ-ართი ვერსიაშ მეჯინათ, დარსხჷ კიევიშ რუსეთიშ დიდ თარქ დანიელ გალიციალქ XIII ოშწანურას. 1272 წანას, ლვოვქ გალიჩ-ვოლინიშ სათაროშ ნანანოღათ გჷნირთჷ. 1349-1772 წანეფს რდჷ პოლონეთიშ დო რეჩ-პოსპოლიტაშ აკოდგონალუას. 1772-1918 წანეფს — ჰაბსბურგეფიშ მონარქიაშ აკოდგინალუას რდჷ, მუჭოთ გალიციიაშ დო ლოდომერიაშ ომაფეშ ნორთი, 1918 წანას ბჟადალ უკრაინაშ ოკათე რესპუბლიკაშ აკოდგინალუას რდჷ, 1919-1939 წანეფს, კინ პოლონეთიშ რესპუბლიკაშ აკოდგინალუას რდჷ. 1939-1941 დო 1944-1991 წანეფს — უკრაინაშ სსრ-იშ ნორთი რდჷ.

ნოღა ლვოვიშ დღა ეიშანუაფუ მესიშ მაართა შურიშხა ადღას.

ლვოვიშ თარი ოგონათუე აბანეფი რე ლვოვიშ უნივერსიტეტი დო ლვოვიშ პოლიტექნიკური უნივერსიტეტი. თაშნეშე ნოღას ფილარმონიული ორკესტრი დო ლვოვიშ ოპერაშ დო ბალეტიშ თეატრი რე. ისტორიული ცენტრი იუნესკოშ მოსოფელიშ მონძალაშ ძეგლეფიშ ერკებულშა რე მიშაღალირი დო თაქ მიარე არქიტექტურული ოქინაფუეფი რე. 2006 წანას, ნოღაქ დორსხუაფაშე 750 წანაშ დუდი იზეიმჷ. 2012 წანას — უკრაინაშ თი ოთხი ნოღაშ შქას ქჷმოხვადჷ, სოდე იმანჯჷ მოსოფელიშ ჩემპიონატიქჷნ.