მერი ლიკი
მერი დუგლას ლიკი (ინგლ. Mary Douglas Leakey; დაბადებაშ გვარი ნიკოლი, ინგლ. Nicol; დ. 6 ფურთუთა, 1913, ლონდონი, ინგლისი — ღ. 9 ქირსეთუთა, 1996, ნაირობი, კენია) — ბრიტანალი არქეოლოგი დო პალეოანთროპოლოგი.
| მერი ლიკი | |
| ინგლ. Mary Leakey | |
 მერი ლიკი 1977 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 9, 1996 (83 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| ალმა-მატერი: | |
| ჯილდოეფი დო პრემიეფი: |
ჰაბარდიშ მენდალი (1962) |
.svg){kind=small}
ბიოგრაფია დო მენცარული რკვიებეფი
რედაქტირაფამერი ლიკიქ დებადჷ 1913 წანაშ 6 ფურთუთას, ლონდონს. გურაფულენდჷ ლონდონიშ ოუნივერსიტეტე კოლეჯის. გურაფაშ თებაშ უკული ოკათუდჷ შხვადოშხვა არქეოლოგიურ ექსპედიციეფს. 1936 წანას ოსურო მიდაჸუნჷ კენიარ-ბრიტანალ არქეოლოგის დო პალეოანთროპოლოგის ლუის ლიკის. მერი ლიკიქ მიოგორუ პრიმატეფიშ ართ-ართი გვარობაშ პროკონსულიშ დუდიშ ხოკოს. მენცარეფი პროკონსულეფს ადამიერეფიშ წჷმოხონეფო მირჩქინანა. თაშნეშე, ლიკიქ მიოგორუ Zinjanthropus-იშ დუდიშ ხოკოს, ოლდუვაიშ ლეხერს (ტანზანია) მენცარული რკვიებეფიშ ბორჯის.
მერი ლიკი მუში მენცარული კარიერაშ ბორჯის, მუში ქომონჯიწკჷმა ართო მუშენდჷ. ჟირხოლოქ ართო ძირეს დო გიმირკვიეს ანტიკური ჰომინიდეფიშ ფოსილეფი დო თინეფიშ გჷმნაგონებუ ქუაშ ანჯარეფი. მერი ლიკიქ აკადგინჷ ქუაშ ანჯარეფიშ კლასიფიკაციაშ სისტემა. თაშნეშე, ლიკიქ მიოგორუ ლაეტოლიშ ნოქურეფს. ლიკიქ მიოგორუ დო გიმირკვიუ ჩხოლარეფიშ 15 ახალი გვარობა დო მიშეღჷ ჩხოლარეფიშ გვარობეფიშ ახალი ჯოხოდვალეფი.
მერი ლიკი რდჷ შხვადოშხვა პრემიეფიშ დო ჯილდოეფიშ ლაურეატი. 1962 წანას მიპალუ ჰაბარდიშ მენდალი, 1969 წანას პრესტვიჩიშ მენდალი, 1975 წანას ოსურეფიშ გეოგრაფიული ჯარალუაშ ორქოშ მენდალი, 1978 წანას ლინეშ ორქოშ მენდალი დო 1980 წანას ელიზაბეტ ბლექველიშ პრემია. ლიკი რდჷ ბრიტანეთიშ აკადემიაშ მაკათური.
მერი ლიკი რდჷ ვიტვატერსრანდიშ, იელიშ, მიჩიგანიშ დო ოქსფორდიშ უნივერსიტეტეფიშ საპატიო დოქტორი.
გიშნაგორა პუბლიკაციეფი
რედაქტირაფა- Excavations at Njoro River Cave (ლუის ლიკიწკჷმა ართო), 1950
- Olduvai Gorge: Excavations in Beds I and II, 1960–1963, 1971
- Olduvai Gorge: My Search for Early Man, 1979
- Africa's Vanishing Art: The Rock Paintings of Tanzania, 1983
- Disclosing the Past, 1984
რესურსეფი ინტერნეტის
რედაქტირაფა- ლიკიშ ფონდი
- მერი ლიკი ენციკლოპედია ბრიტანიკას
- ნახანდეფიშ ერკებული Internet Archive-ის