მონიკა ბელუჩი
მონიკა ანა მარია ბელუჩი (იტალ. Monica Anna Maria Bellucci; დ. 30 ეკენია 1964,[1] ჩიტა-დი-კასტელო, იტალია) — იტალიარი[2] კინოარტისტი დო ფოტომოდელი.
| მონიკა ბელუჩი | |
 მონიკა ბელუჩი 2009 წანას | |
| დაბადებაშ ჯოხო | მონიკა ანა მარია ბელუჩი |
| დაბადებაშ აბანი | ჩიტა-დი-კასტელო, უმბრია, იტალია |
| დებადჷ | 30 ეკენია, 1964 |
| საქვარუა | არტისტი, მოდელი |
| აკოქიმინჯალაშ წანეფი | 1990–ასეშა |
| ალმასქუ(ეფი) | კლაუდიო კარლოს ბასო (1990 – ?) ვენსან კასელი (1999 – 2013) |
ბიოგრაფია
რედაქტირაფამონიკა ბელუჩიქ დებადჷ 1964 წანაშ 30 ეკენიას იტალიაშ ართ-ართ პროვინციულ ნოღა ჩიტა-დი-კასტელოს.[3][4] მუამუში ლუიჯი ბელუჩი რდჷ ოფუტე-ომეურნე სფეროს მოხანდე, დიამუში მარია გუსტინელი — პროფესიათ ხანტუ რე.[5] 13 წანაშე მოდელო მუშენდჷ. 1986 წანას ბელუჩიქ ენირიცხჷ პერუჯიშ უნივერსიტეტიშ იურისპრუდენციაშ ფაკულტეტის.[6] გურაფაშ ფარა ქუშიბუდუკონ 16 წანაშე მუშენდჷ მოდელო „Liceo Classico“-წკჷმა. ომოდელე რინათ ბელუჩიქ დეინტერესჷ. 1988 წანას მონიკა ბელუჩი ორინალო გინურს ნოღა მილანშა, სოდეთ კონტრაქტი გაფორმჷ „Elite Model Management“-წკჷმა. 1989 წანას ბელუჩი, მუჭოთ მოდელი, ჯოხოგოლაფირი რდჷ პარიზის დო ნიუ-იორკის.
კინოკარიერა
რედაქტირაფაბელუჩიშ დებიუტიქ იტალიურ კინოს იჸუ 1990-იან წანეფს. კარიერას დუდშე ეპიზოდურ როლეფს იღენდჷ, მორო სიტუაცია დითირჷ თიში უკული, მუთი ბელუჩი იჭანეს ფრენსის ფორდ კოპოლაშ ფილმის — „დრაკულა“, სოდეთ დრაკულაშ მოჭყუდუშ როლი არსულჷ. უკულიანი წანეფს ფილმის ოლაჸაფეთ თის შხვა კინორეჟისორეფით იჭანუანა. გიშაკერძაფილო წჷმოძინას ბელუჩიქ მიოჭირინუ 1996 წანას, მუჟამსჷთ ილაყაფჷ ფილმის „ბინა“, სოდეთ თიში პარტნიორი რდჷ ვენსან კასელი. ათე ფილმის რსულებური როლიშო წჷმორინაფილი რდჷ სეზარიშ პრემიას ნომინაციას იმენდეფიშ მუმაჩამალი არტისტი.[7] წორას ათე ფილმიშ გინოღალეფს გეჩინებაფუ არტისტი ვენსან კასელი, ნამუთ გვიანო თიში ალმასქუქ იჸუ. მონიკა ბელუჩი გურგინელი რდჷ კლაუდიო კარლოს ბასოწკჷმა, მორო ჭკობაქ ართიანს დეთხუ. 1999-2013 წანეფს რდჷ ფრანგი კინოარტისტიშ ვენსან კასელიშ ალმასქუ, ნამუშეთ ჟირი სქუა ჸუნს.[8][9][10] უჩქუ იტალიურ, ფრანგულ, ინგლისურ დო სპარსულ ნინეფს.[11]
ფილმოგრაფია
რედაქტირაფა| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1990 | ფ | რინა ბაღანაწკჷმა | Vita coi figli | ელდა |
| 1992 | ფ | ბრემ სტოკერიშ დრაკულა | Bram Stoker's Dracula | დრაკულას პატარძალი |
| 1996 | ფ | ბინა | The Apartment | ლიზა |
| 1997 | ფ | დობერმანი | Dobermann | ბოშა ნატალი |
| 2000 | ფ | მალენა | Malèna | მალენა სკორდია |
| 2001 | ფ | გერიშ ოჯიმალე | Brotherhood of the Wolf | სილვია |
| 2002 | ფ | ასტერიქსი დო ობელიქსი: მისია კლეოპატრა | Astérix & Obélix: Mission Cléopâtre | კლეოპატრა |
| 2003 | ფ | მატრიცა: რევოლუცია | The Matrix Revolutions | პერსეფონე |
| 2004 | ფ | ქირსეშ გემრეფი | The Passion of the Christ | მარიამ მაგდალინელი |
| 2005 | ფ | ჯიმალეფი გრიმეფი | The Brothers Grimm | სარკის დედოფალი |
| 2010 | ფ | ჯადოქარიშ მოწაფე | The Sorcerer's Apprentice | ვერონიკა |
| 2012 | ფ | რქალამეფიშ სეზონი | Rhino Season | მინა |
| 2015 | ფ | სპექტრი | Spectre | ლუსია სკიარა |
რესურსეფი ინტერნეტის
რედაქტირაფა
- მონიკა ბელუჩი — კინოფილმეფიშ ინტერნეტ მუნაჩემეფიშ ბაზას (ინგლისური)
- მონიკა ბელუჩი[ღურელი რსხილი] (ინგლისური)
- მონიკა ბელუჩი (ინგლისური)
- მონიკა ბელუჩი Archived 2011-03-14 ვებ-ხასჷლას Wayback Machine. (ინგლისური)
- მონიკა ბელუჩი (ინგლისური)
სქოლიო
რედაქტირაფა- ↑ Birth registration from the Perugina Registry Office
- ↑ [1]
- ↑ Martínez, Claudio (30 October 2003). Persephone (Spanish). El Diario de Hoy. კითხირიშ თარიღი: 9 November 2009.
- ↑ Monica Bellucci: Biography. MSN. კითხირიშ თარიღი: 23 January 2008.
- ↑ Monica Bellucci Biography (1969?–). Filmreference.com. კითხირიშ თარიღი: 8 September 2007.
- ↑ Corliss, Richard. “It's Monica Mania“, TIME, 10 March 2003. კითხირიშ თარიღი: 26 May 2007.
- ↑ Campion, Chris (5 October 2006). Fantasy made flesh. The Daily Telegraph. კითხირიშ თარიღი: 17 April 2009.
- ↑ Silverman, Stephen M.. “'Passion' Actress Bellucci Has Baby Girl“, People, 14 September 2004. კითხირიშ თარიღი: 8 August 2010.
- ↑ “Actress Monica Bellucci has baby girl“, 25 May 2010. კითხირიშ თარიღი: 8 August 2010. დოარქივაფილი რე ორიგინალშე 31 May 2010-ს.
- ↑ “Monica Bellucci, Vincent Cassel To Divorce After 14 Years“, Huffington Post, 26 August 2013. კითხირიშ თარიღი: 2013-08-26.
- ↑ Actress Monica Bellucci is not to be underrated - Toronto Sun