ნუ-გუასუშ პარკი
ნუ გუასუშ პარკი — იდვალუაფუ პარაგვაიშ ცენტრალური დეპარტამენტიშ ნოღა ლუკეს, სილვიო პეტიროსიშ აეროპორტიშ გოხოლუას. რწვანე ტერიტორია ფორუნც 25 ჰექტარს დო თინა ჯალეფიშ დასაბაღი მუდანობაშ გეშა ორეკრეაციე ზონას წჷმმარინუანც.
ნუ-გუასუშ პარკის გარჩქჷ 5 კილომეტრამი ოფელურე/ოთარჩიე დო 1.2 კილომეტრამი ოველოსიპედე შარეფი. პარკის თაშნეშე რე კუჩხბურთიშ, ფრენბურთიშ, კალათბურთიშ დო ტენისიშ ოლაჸაფე პიჯალეფი. თაშნეშე რე ოლაჸაფე დო ტანვარჯიშიშო მერჩქინელი აბანეფი ბაღანეფშოთ. პარკიშ თარი კილადანიე თიში გჷმორინაფა, მუჭოთ ჯარალუაშ ურთიერთალაშ დო ართუაფაშ აბანი. პარკშა მინულა უფასო რე.
ინფრასტრუქტურა
რედაქტირაფა
პარკის 25 ჰექტარიშ რწვანე ტერიტორია, მონწყილიე კუჩხიშ შარეფით, სპორტული კორტეფით, ობაღანუ მოედანეფით, ბარეფით დო მასვანჯაფალი აბანეფით.
პარკიშ მუკოლუაფა-მინჯობუაშო ირჯებუნა მიარე კომპანიეფი, თინეფ შქას რენა დორხველი კომპანიეფით. კომპანიეფი ირფელც ორთჷნა ინფრასტრუქტურაშ მუკოლუაფაშო, რახან თე პარკი წჷმარინუანც ნოღეფიშ ფიჟვის: ლუკეშ დო ასუნსიონიშ ელჷ-მოლჷ ტერიტორიეფშო.
ართ-ართი მიმალი პროექტი პარკიშ გოვითარაფაშო, ღანკო ეთმოჭოფუნც ბილიკეფიშ მუკოლუაფას, ოდო მაჟირა ღანკი გოხოლუნა, პარკიშ უმოსი ჯალეფით გოკიდუა, თიშო ნამდა პარკის ქუღუდას მუში ოსქვებური ჟანგბადიშ მუდანობა. თაქინეშეს რე მოედანეფი ფიზიკური ვარჯიშიშო, მონწყილი სპეციალური მონწყილობეფით, მუდგა ხეს უნწყჷნც ასაგასაშ თელარას. პარკიშ თოჸუჯის მიკმიჭოფანც მიარე ვიზიტორი; თაქინეშესიე ოართე ოინფორმაციე ოფისეფი, ოინფორმაციე აბანეფი ტურისტეფშო, გჷმოფინუეფი, ოდეპოზიტე დო ჰიგიენური მოინალობეფი.
თაქ თაშნეშე რე ავტოგიორნალით, მობილიზაფილიე ოფეიკარე მოხვარაშ დო დაჩხირსაწინანდეგო მანქანეფი; ოჭკუმალი პროდუქტეფი გორანწკილიე 1445 კვადრატულ მეტრას.
ტაივანიშ პარკი
რედაქტირაფა
პარკიშ დინოხოლე რე აბანი, ნამუსუთ „ტაივანიშ პარკი“ გეძჷ ჯოხოთ. თე აბანი გჷშაგორილიე მუში ბჟაეიოლური სტილით, მუდგაქჷთ სპეციალურო დირსხუ ტაივანარი კათაშ იკონოგრაფიაშო, პარაგვაიშ დო ტაივანიშ კათეფ შქას ჯიმალობაშ დო სოლიდარობაშ გჷმახანტალო.
პარკიშ თე ნორთიშ გონწყჷმას ოკათუდეს საპატიო სუმარეფი. თინეფ შქას რდეს ტაივანიშ პრეზიდენტი ოსურპატჷნი ჩენ შუი-ბიანი დო პარაგვაიშ პრეზიდენტი ნიკანორ დუარტე ფრუტოსი.
ჩინური ბაღიშ პროექტი იდვალუაფუ კოკიშ მაართა ტობაწკჷმა, ნამუთ წჷმმარინუანც პასეო დე ლაგოსიშ ნორთის (ლაგოსიშ ტური), მუში 10 მეტრა სიგჷნძაშ მიშაულარი ხინჯით, გჷთახუნალი აბანეფით, შარეფით, გონათუათ დო ბჟაეიოლური არქიტექტურაშო დჷმახასიათაფალი აგარაკით.
ოველოსიპედე შარა
ოველოსიპედე შარა იდვალუაუ ნუ-გუასუშ პარკიშ გალე, აუტოპისტაშ პროსპექტის, მარა დოთებაშ უკული, თინა პარკიშე სილვიო პეტიროსიშ, ქიანაშ თარი აეროპორტიშ განშე გინიაბანუაფუ.
თიში მაართა ნორთი მეურც №1 ოზეშხიბაშ მიშაულარიშე №2 ოზეშხიბაშ მიშაულარშა დო იართამებუ პარკიშ დინოხოლენი წირეშურიშ მეშქაშალათ. სიგანა 3 მეტრიე, ოდო სიგჷრძა 2.200 მეტრა.
პარკიშ საქვარუეფი
რედაქტირაფა
თე გოსოფური პარკი ჟირი დიდი ნოღაშ შქას, წჷმმარინუანც იდეალური გარემოს თიშო, მუდგათ თაშ ახოლენც მიარე ადამიერც ართიანკჷმა.
პარკის ირწანურო ინწყუაფუ მირე აქციეფი, თინეფ შქასიე ორგანიზაცია DEQUENI -შით ორგანიზაფილი „Caminata de la Solidaridad“-ი (სოლიდარობაშ ფელური), პარაგვაიშ ბაღანეფიშ სინთელეშ, განათლებაშ დო თინეფიშ თხილუაშ ხენწყუალაშო.
მაჟირა აქცია, ნამუთ თაშნეშე ირ წანას იმანჯებუნ, რე „ბაღანეფიშ დღა,“ ნამუთ ქიანას 16 მარაშინათუთას ეთმიშანუაფუ, „აკოსტა ნუშ ლჷმაშ“ მაშინაფალო, ნამუთ მიშჷ სამეფიშ ალიანსიშ მეხჷ. თე ლჷმას ქიანას ირო იშინუანა, რახან თე ბორჯის ღურუ მიარე ბაღანაქ, ნამუეფუთ ქიანაშ ოთხილარო ლჷმენდეს.
ფანიაწკჷმა ართო გოსოფური ბორჯიშ მუკოჸონაფაშ დო ბაღანეფწკჷმა ართო თინეფიშ დღაშ ეშანუაწკჷმა ართო, კჯკს (კომუნიკაციეფიშ დო ჯარალუობური კიდანჯუაშ ომინისტრე) ოცადჷ ბაღანეფც დაგურუას ნუ-გუასუშ პარკიშ შანულობა დო გუვითარას თინეფც თი გამამინჯალაშ ღიაბი, ნამუთ ჯარალუაწკჷმა ართო ორთაშობური გარემოშო თაშნე შანულამი რე.
თინეფშო, მიდგასჷთ მუშითფურინჯეფიშ მოდელირაფა უჸორანი, პარკი წჷმმარინუანც პრაქტიკაშო თახმას გოსოფური აბანც.
პარკი თაშნეშე გოსოფური აბანიე პარაშუტიშე გითოსხაპუშოთ. თაქ ფშხირას იმანჯებუ პარაშუტიშე გჷთოსხაპუაშ ფესტივალეფი, სოდეთ მიარე კათა იშაყარუ თე შოუშ ოძირაფალო.
სკაიდაივერეფი ბრაზილიაშე, არგენტინაშე, ჩილეშე, ურუგვაიშე, ბოლივიაშე, ინგლისიშე, ააშ-შე, საფრანგეთიშე, ესპანეთიშე დო შვეიცარიაშე ოხვარუნა თე შოუს დიდი შანულობაშ ღვენას.
ნოღაშ ჟანგბადი
რედაქტირაფა
თახმას, ნუ-გუასუშ პარკი წჷმმარინუნაც ძალამი დიდი შანულობაშ მაღვენჯი რწვანე ტერიტორიას ლუკე დო ასუნსიონიშ მახორუეფშო. ირდღალურო, ოშობათ ადამიერი მოურც თე პარკშა ოფელურეთ, სპორტული ვარჯიშეფშო თუ რჩქვანელობურო წკონდა ჰაერიშ დინაკაშალო დო მასვანჯაფალო გჷნძე ომუშებელი დღაში უკული.