ობი
ობი (რუს. Обь) — წყარმალუ რუსეთის, ბჟადალ ცჷნდჷრს, სიგჷნძათ მოსოფელიშ მაშკვითა წყარმალუ რე. წყარმალუ ობი იჭყაფჷ წყარმალუეფიშ ბიაშ დო კატუნიშ აკოართაფაშ აბანს დო ინაკათუ ობიშ ჸუჯის (კარიშ ზუღა). ბიაშ დო კატუნიშ ოდუდეეფ იდვალუაფჷ ალთაიშ გვალეფს. ობიშ სიგჷნძა რე 3,700 კმ. ღანჩოშ ფართობი 2,972,497 კმ². ობი გიშმურს ალთაიშ აკანს, ნოვოსიბირსკიშ ოლქის, ტომსკიშ ოლქის, ხანტი-მანსიშ ავტონომიურ ოკრუგის დო იამალ-ნენეფიშ ავტონომიურ ოკრუგის. ობიშ წყარპიჯის იდვალუაფჷ ნოღეფი: ბარნაული, ნოვოსიბირსკი, ნიჟნევარტოვსკი, სურგუტი. ობიშ უდიდაშ ნადუეფ რე: ანუი, ჩარიში, ალეი, პარაბელი, ვასიუგანი, ირტიში, სევერნაია სოსვა (კვარჩხანი), ბერდი, ინია, ტომი, ჩულიმი, კეტი, ტიმი, ვახი, პიმი, კაზიმი (მარძგვანი).
| ობი | |
|---|---|
წყარმალუ ობი
| |
| დოხასიათაფა | |
| სიგჷრძა | 3,700 კმ |
| ღანჩოშ ფართობი | 2,972,497 კმ² |
| წყარიშ ნადუ | |
| ოდუდე | წყარმალუეფიშ კატუნიშ დო ბიაშ აკოართაფაშ აბანი |
| ინაკათუ | ობიშ ჸუჯი |
| ქიანეფი დო ნოღეფი | |
| ქიანეფი |  რუსეთი
|
| ნოღეფი | ბარნაული, ნოვოსიბირსკი, ნიჟნევარტოვსკი, სურგუტი |
