პარამარიბო
პარამარიბო (ნიდერლ. Paramaribo) — სურინამიშ ნანანოღა, უკაბეტაში ნოღა, ადმინისტრაციული ცენტრი დო ონიშოლი. ნოღას ოხორანს ქიანაშ მახორობაშ გვერდი. ნოღაშ ისტორიული ცენტრი იუნესკოშ მოსოფელიშ მონძალაშ ობიექტი რე 2002 წანაშე, თაშნეშე სურინამიშ ტერიტორიაშ მოსოფელიშ მონძალაშ ჟირი ობიექტიშე ართ-ართი რე ცენტრალური სურინამიშ თხილერი ორთაშ ტერიტორიაწკჷმა ართო.
 ნოღა
|
ეტიმოლოგია
რედაქტირაფანოღაშ ჯოხოდვალა მოურსინდიური ტომი პარამარიბოშ ეთნონიმშე, ნამუეფჷთ ოხორანდეს წყარმალუ სურინამიშ ატლანტიშ ოკიანეშა ინოკათუაშ აბანს, ზიტყვაზიტყვათ — „კაბეტი წყარმალუშ მახორუეფი“ (ტუპი-გუარანიშ ნინაშა para — „კაბეტი წყარხვეიანი წყარმალუ“, maribo — „მახორუეფი“).
გეოგრაფია
რედაქტირაფა
პარამარიბო იდვალუაფუ წყარმალუ სურინამიშ წყარპიჯის, ატლანტიშ ოკიანეშა ინოკათუაშახ 20 კილომეტრიშ მეძენას. კლიმატი — ეკვატორული. წანმოწანური ირდღარი ტემპერატურა იძანძჷ +23-შე +31°С-შახ. ჭვემეფიშ სეზონი იგჷნძორებუ პირელიშე მარაშინათუთაშახ, ეკენია დო გჷმათუთას მერკეთ ჭვენს. წანმოწანას გვალო დოხოლაფირო 200 წვემამი დღა რე. წანმოწანური ოშქაშე ნოლექეფიშ მუდანობა დოხოლაფირო 2300—3000 მმ.
ჩანარობა უმენტაშო წჷმორინაფილი რე იროწვანე ჯალეფით დო ბართვეფით. ნანანოღაშ გოხოლუას ჩხოლარობა წჷმორინაფილი რე ქიეფით, იაგუარეფით, პუმეფით, ტაპირეფით, ჭკიჭკიტიაჭკომუეფით, კაჟანამეფით დო ანდა მაფურინჯეეფით. წყარმალუ სურინამი დინდარი რე ჩხომეფით.
რესურსეფი ინტერნეტის
რედაქტირაფა
|
მოსოფელიშ მონძალა UNESCO, ობიექტი № 940 რუს. • ინგლ. • ფრ. |
- პარამარიბოშ რუკა
- ფოტოგალერეა: [1], [2]
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |