პეტერ გუსტავ ლეჟენ დირიხლე
პეტერ გუსტავ ლეჟენ დირიხლე (გერმ. Peter Gustav Lejeune Dirichlet; დ. 13 ფურთუთა, 1805, დიურენი, საფრანგეთიშ იმპერია — ღ. 5 მესი, 1859, გეტინგენი, ჰანოვერიშ ომაფე) — გერმანალი მათემატიკოსი. მიშეღჷ დიდი მენცარული კონტრიბუცია რიცხუეფიშ თეორიაშ დო ფურიეშ სერიეფიშ თეორიაშ რკვიებაშა. დირიხლე რდჷ ართ-ართი მაართა მათემატიკოსი ნამუქჷთ წჷმარინუ ფუნქციაშ ფორმალური დეფინიცია.
| პეტერ გუსტავ ლეჟენ დირიხლე | |
| გერმ. Peter Gustav Lejeune Dirichlet | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 5, 1859 (54 წანერი) |
| ღურაშ აბანი: | |
| ომენცარე სფერო: | |
| სამუშაშ აბანი : |
ბრესლაუშ უნივერსიტეტი |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: |
გოტოლდ აიზენშტაინი |
| ჯილდოეფი დო პრემიეფი: |
საფრანგეთიშ მენცარობეფიშ აკადემიაშ ურცხოალი მაკათური (1854) |
დირიხლე გურაფულენდჷ ბონიშ გიმნაზიას. უკულ გურაფა გაგინძორჷ კელნიშ იეზუიტეფიშ გიმნაზიას. უმაღალაში გონათაფა მიღჷ კოლეჯ-დე-ფრანსის დო პარიზიშ უნივერსიტეტის. გურაფაშ თებაშ უკული დირიხლე მუშენდჷ ბრესლაუშ, ბერლინიშ დო გეტინგენიშ უნივერსიტეტეფს. რდჷ პრუსიაშ მენცარობეფიშ აკადემიაშ, სანქტ-პეტერბურგიშ მენცარობეფიშ აკადემიაშ, გეტინგენიშ მენცარობეფიშ აკადემიაშ, საფრანგეთიშ მენცარობეფიშ აკადემიაშ, შვედეთიშ მენცარობეფიშ ომაფე აკადემიაშ, ბელგიაშ მენცარობეფიშ ომაფე აკადემიაშ დო ლონდონიშ ომაფე ჯარალუაშ მაკათური. დირიხლეშ ჯოხონობაშ რე ართ-ართი კრატერი თუთას დო ართი ასტეროიდი.
გიშნაგორა პუბლიკაციეფი რედაქტირაფა
- Lejeune Dirichlet, J.P.G. (1889). რედ. L. Kronecker: Werke. Berlin: Reimer.
- Lejeune Dirichlet, J.P.G. (1897). რედ. L. Kronecker, L. Fuchs: Werke. Berlin: Reimer.
- Lejeune Dirichlet, J.P.G. (1863). Vorlesungen über Zahlentheorie. F. Vieweg und sohn.
რესურსეფი ინტერნეტის რედაქტირაფა
- პეტერ გუსტავ ლეჟენ დირიხლე ენციკლოპედია ბრიტანიკას
- Johann Peter Gustav Lejeune Dirichlet – Œuvres complètes – Gallica-Math
- Elstrodt, Jürgen (2007). „The Life and Work of Gustav Lejeune Dirichlet (1805–1859)“. Clay Mathematics Proceedings.