ჟან-ბატისტ ჟოზეფ დელამბრი
ჟან-ბატისტ ჟოზეფ დელამბრი (ფრანგ. Jean-Baptiste Joseph Delambre; დ. 19 ეკენია, 1749, ამიენი, საფრანგეთი — ღ. 19 მარაშინათუთა, 1822, პარიზი, საფრანგეთი) — ფრანგი მათემატიკოსი, ასტრონომი, ასტრონომიაშ ისტორიკოსი დო გეოდეზისტი, პარიზიშ ობსერვატორიაშ დირექტორი დო კოლეჯ დე ფრანსიშ ასტრონომიაშ პროფესორი.
| ჟან-ბატისტ ჟოზეფ დელამბრი | |
| ფრანგ. Jean-Baptiste Joseph Delambre | |
 | |
| დაბადებაშ თარიღი: | |
|---|---|
| დაბადებაშ აბანი: |
ამიენი, საფრანგეთი |
| ღურაშ თარიღი: |
მარაშინათუთა 19, 1822 (72 წანერი) |
| ღურაშ აბანი: |
პარიზი, საფრანგეთი |
| მენოღალობა: | |
| ომენცარე სფერო: | |
| სამუშაშ აბანი : | |
| ომენცარე ხემანჯღვერი: | |
| ჯილდოეფი დო პრემიეფი: |
ლონდონიშ ომაფე ჯარალუაშ ურცხოალი მაკათური (1791) |
| ხეშმოჭარუა: |
|
დელამბრის ორდოიანი წანეფიშე ოინტერესუდჷ ლათინური დო ბერძენული ნინეფი. ასტრონომიათ უკულიან პერიოდეფს დეინტერესჷ. მუჭოთ ასტრონომქ ხელათ მიპალუ შანულობა ევროპაშ მასშტაბით. ოკათუდჷ ექსპედიციას ნამუქჷთ ზიმუ მერიდიანული რულეშ (ინგლ. Meridian arc) სიგჷრძა დიუნკერკიშე ბარსელონაშახ. მერიდიანიშ ართი ნოჸელა პარიზის ხოლო გიშმურს. ჸათე ექსპედიციაშ რკვიებეფს უკულ გიარსხუ მეტრული სისტემაშ დეფინიციაქ.
1804-1822 წანეფს დელამბრი მუშენდჷ პარიზიშ ობსერვატორიაშ დირექტორო. 1801 წანას, ნაპოლეონ ბონაპარტიქ დელამბრი ქუდარინუ საფრანგეთიშ მენცარობეფიშ აკადემიაშ მათემატიკური მენცარობეფიშ მელამოსეთ. ჸათე პოსტი დელამბრის ღურაშახ უკინებუდჷ.
დელამბრი რდჷ ართ-ართი მაართა ასტრონომი ნამუქჷთ ანალიზური ფორმულეფიშე ასტრონომიული განტოლებეფიშ დედუქციაშ მეთოდეფი გიმირინუ.
ჟან-ბატისტ ჟოზეფ დელამბრი რდჷ ლონდონიშ ომაფე ჯარალუაშ, საფრანგეთიშ მენცარობეფიშ აკადემიაშ, ხელუანობეფიშ დო მენცარობეფიშ ამერიკული აკადემიაშ დო შხვა ომენცარე ორგანიზაციეფიშ მაკათური.
დელამბრიქ ღურუ 1822 წანაშ 19 მარაშინათუთას, 72 წანერქ. დასაფულებური რე პარიზიშ პერ-ლაშეზიშ სასაფლას.
დელამბრი ართ-ართი რე 72 მენცარიშე ნამუშ ჯოხოთ მიკოჭარილი რე ეიფელიშ ჸორშიშ ფასადის. დელამბრიშ ჯოხონობაშ რე ართ კრატერი თუთას.
რესურსეფი ინტერნეტის რედაქტირაფა
- ჟან-ბატისტ ჟოზეფ დელამბრი ენციკლოპედია ბრიტანიკას
- ბიოგრაფიული ფაქტეფი
- დელამბრიშ ნახანდეფიშ ერკებული