რაჭაშ ოერიშდუდე

რაჭაშ ოერიშდუდე — ფეოდალური საქორთუოშ ადმინისტრაციულ-ტერიტორიული გჷნართი რდჷ, ნამუქჷთ X ოშწანურაშ ეკონია ნაანთხალს დირსხუ. ჭარალუაფონი წყუეფიშ მეჯინათ, რაჭაშ მაართა ოერიშმადუდე რდჷ რატი ბაღვაში. რატიშ უკული რაჭაშ ოერიშმადუდე რდჷ მუში სქი კახაბერი. ნამუშ ჯოხოშე მოურს გვარჯოხო კახაბერისძე. რაჭაშ ოერიშმადუდეეფი კაბეტ როლს ლაჸაფენდეს ფეოდალური საქორთუოშ პოლიტიკურ რინას X-XIII ოშწანურეფს. X-XIII ოშწანურეფს, რაჭაშ ოერიშმადუდეეფი მაფაშ მოხელეეფი რდეს. თინეფს ოვალჷდეს ოერიშდუდეშ ომაფე გინაგაფალეფიშ ეკორობუა, ჯარიშ გჷშაჸონაფა დო აწოჸუნა. თე პერიოდეფს რაჭაშ ოერიშმადუდეეფიშ დუდი რეზიდენცია მინდაციხეს რდჷ. დიდ ჯიხა-დარბაზ რდჷ კვერიშ ჯიხა ხოლო. XIII ოშწანურაშ 80-იან წანეფს, დავით ნარინქ გაუქვჷ ოერიშდუდე დო თე ტერიტორია ომაფე დიხეფო გჷნართინუ. მუჭოთ რჩქჷნი, კახაბერისძეეფიშ გვარქ გეშაჭყორდჷ. XIV ოშწანურაშ 30-იან წანეფს, გიორგი ბრწყინვალექ საქორთუო აკაშქუ დო რაჭაქ ართამ საქორთუოშა აკოდგინალუაშა მიშელჷ. უკული საქორთუოშ მაფეფქ რაჭა კჷნ ოერიშდუდეთ გინაშქვეს. დუდშე რაჭაშ ოერიშმადუდეეფი ჭარელისძეეფი რდეს, უკულ მეხოლაფირო 1488 წანაშე ცხეტიძეეფი. XV ოშწანურას, საქორთუოშ ომაფე-ოთაროეფო ფაჩუაშ უკული რაჭაქ სამარგალოშ ოთარეშა მიშელჷ. XV ოშწანურაშ 30-იან წანეფს, იმერეთიშ მაფა ბაგრატ III-ქ რაჭაშ ერიშმადუდეეფს მინდაჯიხა-დარბაზი გეგნოჩჷ დო იმერეთიშ ახალდჷნარცხუეფი ოშილუშ სარდალობა ქიმეჩჷ. XV-XVII ოშწანურეფს იმერეთიშ მაფეფს ორხველჷდეს რაჭაშ ოერიშდუდეშ ჭკორეფი დო დიხეფი. რაჭაშ ერიშმადუდეეფი აქტიურო ოკათუდეს იმერეთიშ დინოხოლენ ლჷმეფს დო ოცადჷდეს რაჭაშ ოერიშდუდეშ ზოხორინელ ოთარეთ გინოშქუმალას.

ათე სტატია რე ნორთი სერიაშე საქორთუოშ ისტორია
უჯვეშაში ისტორია
დიაოხიშ ომაფე
კოლხეთიშ ომაფე
იბერიაშ ომაფე
ლაზიკა-ეგრისიშ ომაფე
ჯვეში დო ახალი ისტორიეფი
ტაო-კლარჯეთიშ ომაფე
აფხაზეთიშ ომაფე
ჰერეთიშ ომაფე
ქართლიშ ომაფე
კახეთიშ ომაფე
იმერეთიშ ომაფე
ქართლ-კახეთიშ ომაფე
სამცხე-საათაბაგო
ართოიანი ქორთული სახენწჷფო
რუსეთიშ იმპერიაშ აკოდგინალუას
უახალაში ისტორია
საქორთუოშ დრ
საქორთუოშ სსრ
საქორთუოშ რესპუბლიკა
საქორთუო
საქორთუოშ პორტალი

1725 წანას, იმერეთიშ მაფაქ რაჭაშ ოერიშდუდე ანტონიშ მანგიორო მუშ მუმა, გიორგი ქჷდახუნუ. ბერი წულუკიძექ დო პაპუნა წერეთელქ ახალციხეშა ინტეს დო 1786 წანაშ ღურთუთას 500 ლეკშე დო 1000 თურქშე აკოდგინელ ჯარით რაჭაშა გემშეჭკირეს. იმერეთიშ მაფაქ ოდიშიშ ჯარი ქიმიხვარუ დო რაჭას იბურჯუ. გინმაჭყვიდირალ ლჷმაქ 1786 წანაშ 26 ღურთუთას მოხვადჷ ოფუტე სხვავაწკჷმა, სოდეთ დავით გიორგიშ სქიქ გიმორძგუ, 1787 წანას, გიორგი რაჭაშ ერიშმადუდექ ლჷმას დოღურჷ დო მუშ აბანს დავით გიორგიშ სქიქ კჷნ ანტონ გიორგიშ სქი ქჷდახუნუ. 1789 წანას, იმერეთის გემაფუ სოლომონ II-ქ, ნამუქჷთ საბოლოთ გაუქვუ რაჭაშ ოერიშდუდე.

თარეფი

• რატი ბაღვაში (ორდოშ. მა-11 ოშწანურა)
• კახაბერ I (ღ. 1088)
• ნიანია (1088–1120)

1120–1175 — ?

• კახაბერ II (1175–1210)

1210–1245 — უჩინებუ თარფი

• კახაბერ III (1245–1278)
• აღბუღა (14??––14??)
• გიორგი I (14??–14??)
• ცაცი (14??–14??)
• ქველი (14??–14??)
• გიორგი II (14??–14??)
• იონა (1465–1485)
• კახაბერ IV (1485–1510)
• ბედიანი (1510–1534)
• შოშიტა I (1534–1565)
• პაპუნა I (1651–1661)
• შოშიტა II (1661–1684)
• პაპუნა II (1684–1696)
• შოშიტა III (1696–1731)
• გრიგოლი (1731–1741)
• ვახტანგ (1741–1749)
• როსტომ (1749–1769)
• ანტონ (1784)
• გიორგი III (1784–1787)
• ანტონ (1787–1789)

რესურსეფი ინტერნეტის

• http://www.istoria.ge/qrono/racha.htm Archived 2011-07-16 ვებ-ხასჷლას Wayback Machine.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.