რუდოლფ კლაუზიუსი
რუდოლფ იულიუს ემანუელ კლაუზიუსი (გერმ. Rudolf Julius Emanuel Clausius; დ. 2 ღურთუთა, 1822, კესლინი, პომერანიაშ პროვინცია, პრუსიაშ ომაფე (ასეიან კოშალინი, პოლონეთი) — ღ. 24 მარაშინათუთა, 1888, ბონი, რაინიშ პროვინცია, პრუსიაშ ომაფე, გერმანიაშ იმპერია) — გერმანალი ფიზიკოსი დო მათემატიკოსი, შინელი რე მუჭოთ თერმოდინამიკაშ ართ-ართი დუმარსხუაფალი დო ცენტრალური ფიგურა.
| რუდოლფ კლაუზიუსი | |
| გერმ. Rudolf Clausius | |
 | |
| დაბადებაშ თარიღი: | |
|---|---|
| დაბადებაშ აბანი: |
კესლინი, პომერანიაშ პროვინცია, პრუსიაშ ომაფე (ასეიან კოშალინი, პოლონეთი) |
| ღურაშ თარიღი: |
მარაშინათუთა 24, 1888 (66 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ციურიხიშ ფედერალური ტექნოლოგიეფიშ ინსტიტუტი |
| ალმა-მატერი: | |
| ჯილდოეფი დო პრემიეფი: |
რკინაშ ჯვარი (1870) |
| ხეშმოჭარუა: |
|
.svg){kind=small}
კლაუზიუსიქ, სადი კარნოშ ციკლიშ გიმორინაფათ, წჷმარინუ სიტიბაშ თეორიაშ გაუჯგუშებული ვერსია. კლაუზიუსიქ, მუში ომენცარე ნახანდის "სიტიბაშ ჸარაფული ნძალეფიშ გეშა" (ნამუქჷთ 1850 წანას გიშართჷ), წჷმარინუ თერმოდინამიკაშ მაჟირა კანონიშ ბაზისური იდეა, 1865 წანას მიშეღჷ ენტროპიაშ კონცეფცია დო 1870 წანას ვირიალიშ თეორემა.
კლაუზიუსი გურაფულენდჷ ფიზიკას დო მათემატიკას ბერლინიშ უნივერსიტეტის. უკულ გურაფა გაგინძორჷ მარტინ ლუთერიშ უნივერსიტეტის, სოდეთ 1848 წანას თხილუ ოდოქტორე დისერტაცია. დისერტაციაშ თემა ორხველუდჷ დიხაუჩაშ ატმოსფეროშ ოპტიკურ ეფექტეფს. გურაფაშ თებაშ უკულ კლაუზიუსი მუშენდჷ შხვადოშხვა ომენცარე ინსტიტუტეფს. 1850 წანას გინირთჷ ბერლინიშ ინჟინერიაშ დო არტილერიაშ ომაფე სკოლაშ პროფესორო დო ბერლინიშ უნივერსიტეტიშ პრივატ-დოცენტო. 1855-1867 წანეფს კლაუზიუსი მუშენდჷ ციურიხიშ ფედერალური ტექნოლოგიეფიშ ინსტიტუტის. 1867 წანას ომუშებუშა გინილჷ ვიურცბურგიშ უნივერსიტეტიშა დო 1869 წანას ბონიშ უნივერსიტეტიშა.
რუდოლფ კლაუზიუსი, 1870 წანას მონაწილენდჷ საფრანგეთ-პრუსიაშ ლჷმას, სოდეთ დიჭკირჷ.
კლაუზიუსიქ ღურუ 1888 წანაშ 24 მარაშინათუთას, 66 წანერქ.
კლაუზიუსი რდჷ ლონდონიშ ომაფე ჯარალუაშ, გერმანიაშ მენცარობეფიშ ერუანული აკადემია ლეოპოლდინაშ, მენცარობეფიშ ერუანული აკადემიაშ დო შხვა ორგანიზაციეფიშ მაკათური, თაშნეშე შხვადოშხვა საირქიანო პრემიეფიშ დო ჯილდოეფიშ ლაურეატი. კლაუზიუსიშ ჯოხონობაშ რე ართი კრატერი თუთას.
გიშნაგორა პუბლიკაციეფი
რედაქტირაფა- Clausius, R. (1867). The Mechanical Theory of Heat – with its Applications to the Steam Engine and to Physical Properties of Bodies. London: John van Voorst. „editions:PwR_Sbkwa8IC.“ English translations of nine papers.
- (1898) Abhandlungen über die Anwendung der mechanischen Wärmetheorie auf die elektrischen Erscheinungen, nebst einer Einleitung in die mathematische Behandlung der Elektricität (fr). Bruxelles: Société belge d'éditions.
რესურსეფი ინტერნეტის
რედაქტირაფა- რუდოლფ კლაუზიუსი ენციკლოპედია ბრიტანიკას
- რუდოლფ კლაუზიუსი - ნახანდეფი პროექტ „გუტენბერგის“