ნიკოლა ლეონარ სადი კარნო
ნიკოლა ლეონარ სადი კარნო (ფრანგ. Nicolas Léonard Sadi Carnot; დ. 1 მანგი, 1796, პარიზი, საფრანგეთი — ღ. 24 მარაშინათუთა, 1832, პარიზი, საფრანგეთი) — ფრანგი მექანიკური ინჟინერი, ფიზიკოსი დო ოურდუმე მენცარი, მიშინუანა მუჭოთ თერმოდინამიკაშ მუმას.
| ნიკოლა ლეონარ სადი კარნო | |
| ფრანგ. Nicolas Léonard Sadi Carnot | |
 ნიკოლა ლეონარ სადი კარნო 1813 წანას | |
| დაბადებაშ თარიღი: | |
|---|---|
| დაბადებაშ აბანი: |
პარიზი, საფრანგეთი |
| ღურაშ თარიღი: |
მარაშინათუთა 24, 1832 (36 წანერი) |
| ღურაშ აბანი: |
პარიზი, საფრანგეთი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჩინებული რე მუჭოთ: |
თერმოდინამიკაშ დუმარსხუაფალი |
კარნოქ დებადჷ პარიზის, 1796 წანაშ 1 მანგის, საფრანგეთიშ რესპუბლიკაშ ოურდუმე მინისტრიშ დო მათემატიკოსიშ ლაზარ კარნოშ ფანიას.
სადი კარნო გურაფულენდჷ პარიზიშ პოლიტექნიკურ სკოლას. უკულ გურაფა გაგინძორჷ მეზიერიშ ინჟინერიაშ ომაფე სკოლას, სოდეთ ოურდუმე ინჟინერიას გურაფულენდჷ. გურაფაშ თებაშ უკული, კარნოქ გინირთჷ საფრანგეთიშ არმიაშ ინჟინერეფიშ კორპუსიშ ოფიცერო.
სადი კარნო მსახურენდჷ საფრანგეთიშ არმიას შხვადოშხვა ლოკაციეფს, ამოწმენდჷ ფორთიფიკაციეფს, აკმადგინანდჷ ინჟინერულ გეგმეფს დო შხვა. სადი კარნო არმიას 1828 წანაშახ მუშენდჷ.
1824 წანას კარნოქ გჷმაბჟინუ მენცარული ნახანდი "ფირქეფი დაჩხირიშ მამოტივირაფალი ნძალეფიშ გეშა", სოდეთ კარნო ეთმოჭარუნს სიტიბაშ ქვარქვანტეფიშ მაქსიმალური ეფექტურობაშ თეორიეფს. ყათე წინგით კარნოქ მიშეღჷ დიდი თია ახალი დისციპლინაშ თერმოდინამიკაშ დორსხუაფაშა. კარნოშ ჸათე ნახანდიქ დიდი შანულობა მიპალუ რუდოლფ კლაუზიუსიშ დო უილიამ ტომსონიშ რკვიებეფით, ნამუეფქჷთ სადი კარნოშ იდეეფიშ გიმორინაფათ აკეთეს თერმოდინამიკაშ მაჟირა კანონიშ ფორმულაცია დო წუმარინუეს ენტროპიაშ კონცეფციაშ დეფინიცია.
სადი კარნოქ, ორქიშ ქვარქვანტეფიშ ეფექტურობაშ გაუჯგუშებაშ ტექნიკური რკვიებეფით, მიშეღჷ დიდი კონტრიბუცია ავტომობილეფიშ დო რეაქტიული ქვარქვანტეფიშ თეხანური მენცარული ტექნოლოგიური დიზაინიშ გოვითარაფაშა.
სადი კარნოშ ჯოხონობაშ რე კარნოშ ციკლი, კარნოშ ეფექტურობა, კარნოშ თეორემა დო კარნოშ სიტიბაშ ქვარქვანტი.
გიშნაგორა პუბლიკაციეფი
რედაქტირაფა- Réflexions sur la puissance motrice du feu et sur les machines propres à développer cette puissance (1824)
რესურსეფი ინტერნეტის
რედაქტირაფა- სადი კარნო ენციკლოპედია ბრიტანიკას
- Sadi Carnot and the Second Law of Thermodynamics, J. Srinivasan, Resonance, November 2001, 42
- Reflections on the Motive Power of Heat (1824), analysed on BibNum