ჯამფეზია

ჯამფეზია თაშნეშე ჯაფეზია, ჯაფაზია, ოკათეთ ოჭითარებელი (ლათ. Phytolacca) — ჩანარეფიშ გვარი ჯამფეზიაშობურეფიშ ფანიაშე. მიარეწანიანი ოდიარე, ოშა-გოშათ ბართვი ვარ-და ჯაშობური ჩანარეფი რე.

ჯამფეზია 35-შახ გვარობა ტროპიკულ დო სუბტროპიკულ რაიონეფს რე გოფაჩილი, თარო ამერიკას. ამერიკული ჯამფეზია (Phytolacca americana) კავკაციას მარცხო მოხვადჷ ოორუე ამერიკაშე. ჟვერი ჩანარი რე, ჩანს რზეფიშ დო ტყაშ პიჯეფს, კულტურულ ნარგი-ნათასეფს (შხირი რე ჩაიშ პლანტაციეფს) ზუღაშ დონეშე 600 მ-შახ.

ბჟადალ საქორთუოს დახე ირდიხას რე გოფაჩილი, აფხვადჷა ქართლ-კახეთისჷთ. ჯამფეზია წალამი ჩანარი რე, ნამუთ იკათუანს საპონინს, ფიტოლაქსინს. გჷმირინუანა მედიცინას, აბრეშუმიშ ნორშვეფიშ ოღაფალო, ღვინიშ ფერმიოჩამალო.

ლიტერატურა

• მ. გურგენიძე, ქორთული სხუნუეფიშ ენციკლოპედია, ტ. 11, ხს. 397, ქართი, 1987 წანა.