ტომას იუნგი
ტომას იუნგი (ინგლ. Thomas Young; დ. 13 მანგი, 1773, მილვერტონი, სომერსეტი, ინგლისი — ღ. 10 მესი, 1829, ლონდონი, ინგლისი) — ინგლისარი ფიზიკოსი, ასტრონომი, მედიკოსი, ფილოსოფოსი დო ლინგვისტი. იუნგი მოღალენდჷ მენცარობაშ შხვადოშხვა დისციპლინეფს. თიქ წჷმარინუ სინთეშ რეღმული თეორია, ნამუქჷთ უკულიან პერიოდის, ფრანგი ფიზიკოსიშ ოგიუსტენ ჟან ფრენელიშ რკვიებეფით დენტკიცინჷ. იუნგიშახ მერჩქინელი დო მეღებული რდჷ ისააკ ნიუტონიშ თეორია, ნამუშ მეჯინათ სინთე წილაკეფიშე აკმოდირთუდჷ.
| ტომას იუნგი | |
| ინგლ. Thomas Young | |
.jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 10, 1829 (55 წანერი) |
| ღურაშ აბანი: | |
| მენოღალობა: | |
| ომენცარე სფერო: |
ფიზიკა, ასტრონომია, ანთროპოლოგია, მედიცინა, არქეოლოგია, ფიზიოლოგია, ენტომოლოგია, ეგვიპტოლოგია, ლინგვისტიკა, ფილოსოფია |
| სამუშაშ აბანი : | |
| ალმა-მატერი: | |
| ჩინებული რე მუჭოთ: |
სინთეშ რეღმული თეორიაშ დუმარსხუაფალი |
| ჯილდოეფი დო პრემიეფი: |
ომაფე ჯარალუაშ მაკათური (1794) |
| ხეშმოჭარუა: |
|
.svg){kind=small}
ტომას იუნგი რდჷ ეგვიპტოლოგი დო მიშეღჷ დიდი თია ეგვიპტური იეროგლიფეფიშ, გიშაკერზაფილო როზეტაშ ქუაშ გოშიფრუაშა.
ტომას იუნგიშ მენცარული რკვიებეფქ დიდი გოლინა იღვენუ უილიამ ჰერშელიშა, ჰერმან ფონ ჰელმჰოლციშა, ჯეიმზ მაქსველიშა დო ალბერტ აინშტაინიშა.
ტომას იუნგი გურაფულენდჷ ედინბურგიშ უნივერსიტეტიშ მედიცინაშ სკოლას, უკულ გურაფა გაგინძორჷ გეტინგენიშ უნივერსიტეტის, სოდეთ მიპალუ მედიცინაშ დოქტორიშ ხარისხი. ბრიტანეთიშა დორთაშ უკული, ართი პერიოდის იგურუ კემბრიჯიშ ემანუილ-კოლეჯის ხოლო.
ტომას იუნგი რდჷ ბრიტანეთიშ ომაფე ინსტიტუტიშ ნატურფილოსოფიაშ პროფესორი დო ლონდონიშ ომაფე ჯარალუაშ მელამოსე.
რესურსეფი ინტერნეტის
რედაქტირაფა- ტომას იუნგი ენციკლოპედია ბრიტანიკას
- ტომას იუნგი რეღმული თეორიაშ დუმარსხუაფალი Archived 2022-08-19 ვებ-ხასჷლას Wayback Machine.
- ტომას იუნგი Open Library-ის
- ტომას იუნგი Biodiversity Heritage Library-ის
- ტომას იუნგიშ პორტრეტი ომაფე ჯარალუას