ტოტილა
ტოტილა, თახმი ჯოხო ბადუილა (დ. დოხ. 510 — ღ. 1 კვირკვე, 552) — ოსტგოთეფიშ მაფა 541-552 წანეფს.
| ტოტილა გოთ. 𐍄𐍉𐍄𐌹𐌻𐌰 | ||
 | ||
| ოსტგოთეფიშ მაფა | ||
|---|---|---|
| პოსტის გერინაშ ბორჯი | ||
| 541 – 1 კვირკვე, 552 | ||
| წიმოხონი | ერარიხი | |
| მონძე | თეია | |
| დუნაბადი | დოხ. 510 ტრევიზო | |
| ნაღურა | 1 კვირკვე, 552 ტაგინე, ოსტგოთეფიშ ომაფე | |
| რელიგია | არიანალობა | |
რდჷ პოპულარული პოლიტიკური დო ოურდუმე მოღალე. 541 წანას გიშაგორილქ იჸუ ოსტგოთეფიშ მაფათ. ტოტილაქ ატარჷ შანულამი რეფორმეფი. დოლმახორეეფი გადუდიშულჷ დო გლეხეფს დიხეფი დურიგუ. 541 წანაშ ზოთონჯის, ბიზანტიარეფქ ქართას (ალყა) ქინახუნეს ვერონა დო თიში ეჭოფუა ულამუდეს, მარა ოსტგოთეფქ, ტოტილაშ ხემანჯღვერობათ წჷმოძინელო დოთხილეს ნოღა. უკულ, 542 წანაშ აფუნს, ფავენციაშ ლჷმას ტოტილაქ კონწარო დამარცხჷ ბიზანტიარეფი. მუცელიუმიშ ლჷმას გომორძგუაშ უკულ, ტოტილაქ ნეაპოლი გეჭოფჷ. 543 წანაშო ოსტგოთეფქ დირთინეს დინაფილი ტერიტორიეფიშ უმენტაშობა, მარა რომქ ვადაკინებეს. 546 წანას ტოტილაქ ბიზანტიაშ ჯარეფიშ მანჯღვერთარს, ველისარიუსის რომი მიდუღუ. მარა ველისარიუსიქ რომი მალას დირთინუ. 549 წანას ველისარიუსიქ კონსტანტინოპოლიშა დირთჷ. ჸათექ ქისარგებლჷ ტოტილაქ, გეჭოფუ რომი დო დახე რსულას ქიდეკინჷ იტალია დო სიცილია. 551 წანას, ტოტილაშ მეხჷ ოურდუმე კამპანია წიმიჭყჷ იუსტინიანეშ ახალი მანჯღვერთარქ ნარსესიქ, ნამუშ აკოანჯარაფილი ნძალეფი იკათუანდჷ დოხოლაფირო 35,000 ჯარიშკოჩის, უმოსო ლანგობარდეფს, გეპიდეფს დო ჰერულეფს. 552 წანაშ კვირკვეს, ტაგინეშ ლჷმას, ნარსესიქ დამარცხჷ ტოტილა, ნამუქჷთ ბურჯაფიშ მიმალობას დიჭკირჷ დო დოღურჷ. ტოტილა დოთირუ თიში მოჯგირე თეიაქ, ნამუთ ოსტგოთეფიშ ომაფეშ ეკონია მაფა რდჷ. 553/554 წანაშო, ოსტგოთეფიშ მარცხიშ უკულ, თინეფიშ ომაფეშ ტერიტორიეფქ ბიზანტიაშა აკოდგინალუაშა მიშელჷ.