ნეაპოლი (იტალ. Napoli, ნეაპ. Nàpule, ბერძენ. Νέα Πόλις „ნეა პოლის“ — ახალი ნოღა) — ისტორიული ნოღა ობჟათე იტალიას, კამპანიაშ რეგიონიშ დო ნეაპოლიშ პროვინციაშ ადმინისტრაციული ცენტრი. ნეაპოლი ჩინებული რე დინდარი ისტორიათ, ხელუანობათ დო კულტურათ. ნოღა იდვალუაფუ ნეაპოლიშ ჸუჯის, ჟირ ვულკანურ ტერიტორიაშ შქას: ვეზუვიშ გვალაშ დო ფელეგრინიშ ველეფს შქას.
ნოღა
| შილა
|
გერბი
| 
|
|
|
ნეაპოლი ჯვეშ ბერძენეფქ დარსხუეს დო „ნეა პოლის“ (ახალი ნოღა) გიოდვეს. ნოღა ძალამ კაბეტ როლს ლაჸაფენდჷ, მუჭოთ რომიშ იმპერიაშ ცენტრალური პროვინცია. 1282-1816 წანეფს ნეაპოლი კჷნ ჯოხოდვალაშ ომაფეშ ნანანოღა რდჷ, მოგვიანაფათ ნოღა მიშმეშჷ სიცილიაშ აკოდგინალუაშა.
ამდღა ნეაპოლი მასუმა მეჭედელო დოხორელი ნოღა რე იტალიას, რომიშ დო მილანიშ უკული, დო მავითოხუთა ევროპას. ნეაპოლიშ მახორობა 4.4 მილიონს აკმადგინანს. მახორობაშ უკაბეტაში ნორთი ოხორანს ესპანურ კვარტლეფს. ცენტრალურ ნეაპოლს ოხორანს ართი მილიონი აბანობური მახორუეფი — ნეაპოლარეფი (Neapolitans). აბანობური მახორობა რაგადანს ნეაპოლურ ნინაშა, ნამუშ მუსხირენ დეალექტშა დახე ედომუშამ ობჟათე იტალია რაგადანს.
ნეაპოლწკჷმა რე მერსხილი პიცაშ გოჭყაფა. ჩინებული რე თე ნოღაშ კულტურა: ნეაპოლს მეთმურსხუანა მადოლინიშ (მუსიკალური მიოგამალი) გოჭყაფას. ჩინებული რე ნეაპოლიტანური ფოლკლორული მუსიკათ. რე ანდა პოპულარული ფიგურა დო შანი, ნამუეფჷთ ჩინებული რე მუჭოთ ნეაპოლიშ სიმბოლოეფი: თარი წიმინდანიშ — Januarius-იშ, Pulcinella-შ სიმბოლო დო ოჸეეფი.
ნეაპოლიშ პანორამა
