ფრიც ცვიკი
ფრიც ცვიკი (გერმ. Fritz Zwicky; დ. 14 ფურთუთა, 1898, ვარნა, ბულგარეთი — ღ. 8 ფურთუთა, 1974, პასადინა, კალიფორნია, ააშ) — შვეიცარიალი ასტრონომი. ცვიკი რდჷ მაართა მენცარი, ნამუქჷთ ვირიალიშ თეორემაშ გიმორინაფათ წჷმარინუ რუმე მატერიაშ არსებობაშ კონცეფცია.
| ფრიც ცვიკი | |
| გერმ. Fritz Zwicky | |
 ფრიც ცვიკი 1947 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 8, 1974 (75 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
დუდიშალაშ ოპრეზიდენტე მენდალი (1949) |
ბიოგრაფია რედაქტირაფა
ფრიც ცვიკიქ დებადჷ ბულგარეთიშ ნოღა ვარნას, 1898 წანაშ 14 ფურთუთას. 1904 წანას, 6 წანერ ფრიცი დიდა დო მუმაქ ოცხოვრებშა დო ოგურაფშა შვეიცარიაშ ნოღა გლარუსიშა გუტუ. ფრიცი დიო კომერციას გურაფულენდჷ, უკულ დიჭყჷ მათემატიკაშ დო ფიზიკაშ დოგურაფა. ფრიც ცვიკი გურაფულენდჷ შვეიცარიაშ ფედერალურ პოლიტექნიკუმს (ასეიან ციურიხიშ ფედერალური ტექნოლოგიეფიშ ინსტიტუტი). 1925 წანას ცვიკიქ, როკფელერიშ ფონდიშ სტიპენდიათ, ამერიკაშა მიდართჷ დო მუშობა ქიდიჭყჷ კალიფორნიაშ ტექნოლოგიაშ ინსტიტუტის, რობერტ მილიკენიწკჷმა. ცვიკიქ, კალიფორნიაშ ინსტიტუტის მუშობაშ ბორჯის, აკიმუშუ შხვადოშხვა კოსმოლოგიური თეორიეფი, მიშეღჷ ტერმინი სუპერნოვა. 1942 წანაშე ცვიკი რდჷ კალიფორნიაშ ტექნოლოგიაშ ინსტიტუტიშ ასტრონომიაშ პროფესორი. 1949 წანას ააშ-იშ პრეზიდენტიქ ჰარი ტრუმენქ ცვიკის გინოჩჷ დუდიშალაშ ოპრეზიდენტე მენდალი. 1972 წანას ცვიკიქ მიპალუ ასტრონომიაშ ომაფე ჯარალუაშ პრესტიჟული ჯილდო ორქოშ მენდალი. ორქოშ მენდალქ ცვიკის მიაჩჷ ნეიტრონული მურიცხეფიშ, რუმე მატერიაშ მენცარული რკვიებაშ დო გალაქტიკეფიშ კატალოგირაფაშ გეშა. ფრიც ცვიკიშ ჯოხონობაშ რე ართ-ართი ასტეროიდი დო ართი კრატერი თუთას.
რესურსეფი ინტერნეტის რედაქტირაფა
- Fritz Zwicky foundation (გერმანულო)
- Initial Evidence of Dark Matter — Annenberg Learner Archived 2015-03-14 ვებ-ხასჷლას Wayback Machine.
- Winkler, Kurt, "Fritz Zwicky and the Search for Dark Matter," Swiss American Historical Society Review, vol. 50, no. 2 (2014), p. 23-41.
- ფრიც ცვიკი — Find a Grave-ს