ქასიმ სოლეიმანი
ქასიმ სოლეიმანი (სპარს. قاسم سلیمانی; დ. 11 მელახი, 1957, ყანათ-ე მალექი, ქერმანი, ირანიშ იმპერიული სახენწჷფო — ღ. 3 ღურთუთა, 2020, ბაღდადიშ ოერეფოშქაშე აეროპორტი, ბაღდადი, ერაყი) — სპარსი ოურდუმე მოღალე, ირანიშ აკოანჯარაფილი ნძალეფიშ გენერალ-მაიორი, ირანიშ რევოლუციაშ ყარულეფიშ კორპუსიშ ქუდსიშ ნძალეფიშ მადუდე 1998 წანაშე ღურაშახ, ნამუთ არძაშ უმაართაშე გალენური ოურდუმე დო ონაკვერე ოპერაციეფიშ გამამინჯე რდჷ.
| სარდარი ყასემ სოლეიმანი | |
|---|---|
| სპარს. قاسم سلیمانی | |
| 11 მელახი, 1957 – ღურთუთა 3, 2020 (62 წანერი) | |
 | |
| შხვა ჯოხო | „ლანდი“ „ჰაჯი ქასიმი“ (მოხუჯეეფს შქას)[1] „ორუამი მადუდე“ (ბჟადალიშ ქიანეფს)[2][3][4][5][6] |
| დაბ. აბანი | ყანათ-ე მალექი, ქერმანი, ირანიშ იმპერიული სახენწჷფო |
| ღურ. აბანი | ბაღდადი, ერაყი |
| რხველაფა |  ირანიშ აკოანჯარაფილი ნძალეფი
|
| ჯარიშ ტიპი | ოსქირონე |
| წოდება | გენერალ-მაიორი |
| ნორთი | ირანიშ რევოლუციაშ ყარულეფიშ კორპუსი |
| დუდენდჷ | 41-ა ტარალაჰიშ დივიზია ქუდსიშ ნძალეფი |
| ჩხუპეფი/ლჷმეფი | ქურთეფიშ არყება ირან-ერაყიშ ლჷმა ლიბანიშ მაჟრა ლჷმა ერაყიშ ლჷმა სირიაშ ომენოღალე ლჷმა ერაყიშ ომენოღალე ლჷმა |
| ჯილდოეფი | |
სოლეიმანქ ოურდუმე კარიერა 1980-იან წანეფს ირან-ერაყიშ ლჷმას დაჭყაფურს დიჭყჷ, მუჟამსჷთ დუდენდჷ 41-ა დივიზიას. მოგვიანაფათ ოკათუდჷ გალებურ ოურდუმე ოპერაციეფს დო ოხვრუდჷ ლიბანს მოქიმინჯე ჰეზბოლას. 2012 წანას, სოლეიმანქ მეხვარჷ სირიაშ თრობას, ნამუთ რეგიონს ირანიშ თარი მორსხუ რე, სირიაშ ომენოღალე ლჷმაშ ბორჯის ისლამური სახენწჷფოშ სააწმარენჯო ოპერაციეფს. სოლეიმანი თაშნეშე ოხვარუდჷ ერაყიშ თარობაშ დო შიიტური მილიციაშ გოართოიანაფილი ნძალეფიშ სარდალობას, ნამუეფით 2014–2015 წანეფს ისლამური სახენწჷფოშ სააწმარენჯოთ ართო იბურჯჷდეს.
სოლეიმანი ააშ-იშ ღანკობური ავიამენტებაშ შედეგო, 2020 წანაშ 3 ღურთუთას დოჸვილეს. თაშნეშე თიწკჷმა ართო გოჭყორდჷ ერაყიშ ოკათე მობილიზაციაშ ნძალეფიშ მაკათურეფქ დო თიში ხემანჯღვერიშ მოაბანექ აბუ მაჰდი ალ-მუჰანდისიქ.[7] სოლეიმანს ღურაშ უკული მიაჩჷ გენერალ-ლეიტენანტიშ წოდებაქ, ქუდსიშ ნძალეფიშ მადუდეთ, თიშ მანგიორო — ესმაილ ღანი ქჷდარინეს.
სქოლიო რედაქტირაფა
- ↑ Qassem Suleimani not Just a Commander! – Taking a Closer Look at Religious Character of Iranian General. abna24 (10 March 2015). კითხირიშ თარიღი: 14 July 2016.
- ↑ Dexter Filkins (30 September 2013). The Shadow Commander. The New Yorker. კითხირიშ თარიღი: 31 March 2015.
- ↑ Joanna Paraszczuk (16 October 2014). Iran's 'Shadow Commander' Steps Into the Light. The Atlantic. კითხირიშ თარიღი: 31 March 2015.
- ↑ Kambiz Foroohar. Iran's Shadow Commander. დოარქივაფილი რე ორიგინალშე 2 April 2015-ს. კითხირიშ თარიღი: 31 March 2015.
- ↑ RealClearWorld - Syria's Iranian Shadow Commander. დოარქივაფილი რე ორიგინალშე 24 September 2015-ს. კითხირიშ თარიღი: 31 March 2015.
- ↑ Iran's 'shadow commander' steps into the spotlight. The Observers. კითხირიშ თარიღი: 31 March 2015.
- ↑ CNN, Zachary Cohen, Hamdi Alkhshali, Arwa Damon and Kareem Khadder. US drone strike ordered by Trump kills top Iranian commander in Baghdad. კითხირიშ თარიღი: 3 January 2020.