ჩარლზ ბელი
ჩარლზ ბელი (ინგლ. Sir Charles Bell; დ. 12 გერგობათუთა, 1774, ედინბურგი, შოტლანდია — ღ. 28 პირელი, 1842, ვუსტერშირი, ინგლისი) — შოტლანდიარი ფიზიოლოგი, ანატომი, ნევროლოგი, ქირურგი დო ხანტუ. ჩარლზ ბელი რდჷ მაართა მენცარი ნამუქჷთ აკეთჷ გაგაჩიშ ტვინიშ სენსორული ნერვეფიშ დო მოტორული ნერვეფიშ დიფერენციაცია. ბელიქ ეჭარუ დო გიმირკვიუ სახეშ ნერვიშ პარალიზი, ნამუსჷთ ბელიშ პარალიზის უძახჷნა.
| ჩარლზ ბელი | |
| ინგლ. Charles Bell | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 28, 1842 (67 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ლონდონიშ ომაფე ჯარალუაშ მაკათური (1826) |
.svg){kind=small}
ჩარლზ ბელი გურაფულენდჷ ედინბურგიშ სკოლას, უკულ გურაფა გაგინძორჷ ედინბურგიშ უნივერსიტეტის, სოდეთ მედიცინას გურაფულენდჷ. გურაფაშ თებაშ უკულ მუშენდჷ ედინბურგიშ ქირურგეფიშ კოლეგიას. ჸათაქ ბელი ანატომიაშ ლექციეფს კითხულენდჷ. 1804 წანას ბელიქ ედინბურგი ქიდიტუ. მალას ოცხოვრებშა დო ომუშებუშა ლონდონშა გეგნორთჷ. ლონდონს ბელი მუშენდჷ მიდლსექსიშ ჰოსპიტალს, ქირურგო. ბელი რდჷ ოურდუმე ქირურგი ხოლო. 1815 წანას, ვატერლოოშ ლჷმაშ ბორჯის ბელი ჭყოლირეფს კურნალენდჷ. 1824 წანაშე ჩარლზ ბელი რდჷ ლონდონიშ ქირურგეფიშ კოლეგიაშ ანატომიაშ დო ქირურგიაშ პროფესორი. მალას ბელიქ ომუშებუშა ლონდონიშ ომაფე კოლეჯიშა გინილჷ დო მუშობა ქიდიჭყჷ ფიზიოლოგიაშ პროფესორო. ჸათე პერიოდის ბელიქ მიშეღჷ დიდი თია ლონდონიშ უნივერსიტეტიშ მედიცინაშ სკოლაშ დორსხუაფაშა. 1835 წანაშე ბელი რდჷ ედინბურგიშ უნივერსიტეტიშ პროფესორი. ჩარლზ ბელი რდჷ ედინბურგიშ ომაფე ჯარალუაშ მაკათური 1807 წანაშე დო ლონდონიშ ომაფე ჯარალუაშ მაკათური 1826 წანაშე. 1829 წანას ლონდონიშ ომაფე ჯარალუაქ ბელის, მენცარული რკვიებეფიშ გეშა, გინოჩჷ ომაფე მენდალი. 1831 წანას ბელიქ მიპალუ რაინდიშ ტიტული. ჩარლზ ბელი რე შხვადოშხვა მენცარული პუბლიკაციეფიშ, ნაჭარეფიშ დო ნახანტეფიშ ავტორი. ბელიშ ფუნდამენტური ნახანდი რე "ტვინიშ ახალი ანატომიაშ იდეეფი", ნამუთ ბელიქ გჷმაბჟინუ 1811 წანას. ნახანდის ეჭარილი რე დეტალურო ნერვული სისტემა დო ბელიშ ექსპერიმენტეფი გაგაჩიშ ტვინიშ გეშა.
ლიტერატურა
რედაქტირაფა- Berkowitz, Carin. Charles Bell and the Anatomy of Reform. Chicago: The University of Chicago Press, 2015.