ცოდილო

ცოდილო — კირდეშ ხანტურუათ ჩინებული აბანი ოორუე-ბჟადალ ბოტსვანას. იუნესკოშ მოსოფელიშ მონძალაშ ძეგლი 2001 წანაშე. იკათუანს კირდეშ ხანტურუაშ 4500 მინუშის, ნამუთ იდვალუაფუ კალაჰარიშ ტიოზიშ ტერიტორიას ფართობით დოხოლაფირო 10 კმ². რაიონიშ არქეოლოგიური ნაძირებუეფი ოძირანს ადამიერიშ რინაშ ქრონოლოგიას არძაშ უკულაში 100 ვთშ. წანაშ გოძვენაშ პერიოდის.

ცოდილო*
იუნესკოშ მოსოფელიშ მონძალაშ ობიექტი
ქიანა	ბოტსვანა
ტიპი	კულტურული
კრიტერიუმეფი	i, iii, vi
ერკებული	იუნესკოშ ერკებული
რეგიონი**	აფრიკა
კოორდინატეფი	-18.771667,21.75416718°46′18″ ობჟ. გ. 21°45′15″ ელ. გ.
კათაფაშ ისტორია
კათაფა	2001  (25-ა სესია)
ნომერი	1021
* ქძ. ინგლ. ჯოხო UNESCO-შ ერკებულს. ** იუნესკოშით კლასიფიცირაფილი რეგიონი.

მოსოფელიშ მონძალა UNESCO, ობიექტი № 1021 რუს. • ინგლ. • ფრ.

ცოდილოშ ქჷნჷდრეფი

გეოგრაფია

ცოდილოშ ქჷნჷდრეფი შაკავეშე დოხოლაფირო 40 კმ-შ მეძენას იდვალუაფუ.

გიშეგორუაფუ ოთხი თარი ქჷნჷდრი, ნამუშე არძაშე უკაბეტაშიშ სიმაღალა რე 1400 მ. თე ოთხი ქჷნჷრშე სუმშა შხირას უჯოხონა „ქომოლკოჩი“ (არძაშე უმაღალაში), „ოსური“ დო „ბაღანა“. ჟირ კაბეტ ქჷნჷდრს შქას იდვალუაფუ ოკარე აბანი, ნამუშ გოხოლუას რე ბუშმენეფიშ არძაშე ჩინებული ნახანტა — ლორენს ვან დერ პოსტიშ პანელეფი.

კულტურული შანულობა

ცოდილოშ ქჷნჷდრეფს შანულამი კულტურული დო შურიელი როლი უღჷ კალაჰარიშ ტიოზიშ ბუშმენეფშო. ბუშმენეფს უღჷნა რწუმა, ნამჷ-და ცოდილოშ „ოსური“ ქჷნჷდრი რე აბანი, სოდე ისვანჯჷნა ღურელეფიშ შური დო ღორონთეფი, ნამუეფჷთ თეურეშე მართჷნა მოსოფელს. არძაშე ჯეგე აბანო იკოროცხჷ, „ქომოლკოჩი“ ქჷნდჷრიშ კონკა, სოდე გჷნოჩამაშ მეჯინათ პირველი შური ბირგულდოშქუმალირო იხვამანდჷ მოსოფელიშ გოჭყაფაშ უკული. ბუშმენეფს წანა, ნამჷ-და პირველ შურიშ ბირგულიშ ნოქურიშ ძირაფა კირდეს დიო ხოლო შილებე.

კირდეშ ნახანტუეფიშ უმენტაშობა რე „ოსური“ ქჷნჷდრს, მარა არძაშე ჩინებული ნახანტეფი — „ვერშაპი“, „ჟირი ხვალექა“, „ნჯილო“ — იდვალუაფუ „ქომოლკოჩი“ ქჷნჷდრიშ ბჟაეიოლშე. მერკე მუდანობაშ ნახანტა რე შხვა ქჷნჷდრეფს.

ქოძირით თაშნეშე

• მოსოფელიშ მონძალაშ ობიექტეფიშ ერკებული აფრიკას

რესურსეფი ინტერნეტის

• Tsodilo - UNESCO World Cultural Heritage site