თარ მენიუშა მიშულა

წვანე საგანი DC კომიქსეფიშ გერგეზი. დიდ ხანს კომიქსეფი ორთუდეს გერგეზეფს დიდი ნძალათ დო სუპერ მალობათ, მორო არსებენდეს თიჯგურა გერგეზეფით, ნამუეფით ანტკიცენდეს ნამდა მუში ნოღაშ დო ქიანაშ დაცვებელო ვარდჷ აუცილებერი სუპერ შესალებუეფი. ზუსტას თეჯგუეფს ოკათჷ ოლივერ ქუინი, იგივე წვანე საგანი, მაართათ კომიქსეფს გიშარჩქინდჷ 1941 წანაშ გერგობათუთას More Fun Comicsიშ 73 ნომერს, დუდშე თეშ ჩქჷდჷ, ნამდა ითამ თიქ აგურჷ მუშ კოლეგას გოთემშე,მილიონერი, ნამუთ მიკიქუნანს გერგეზიშ ფორმას დო მეურს უბადოშ მაქიმნალეფწკჷმა ოლჷმუშა. თიქ დუდ ქაჸოროფუ მუშ მაკითხუეფს. თიშ ხასიათიშ თირუას თიშ ისტორიაქ ილაჸაფჷ დიდი როლი, დუდშე თინა რდჷ დუდფურჩამი, თიქ ჭანაფილობას დიშუმუ დო ონჯღორე ქოძირჷ, ათეშ უკული გინოჭყვიდჷ ზუღათ ოშარუშა ულა, მორო მუში მათხილე ურაგადუდ, ნამდა თენა ვარდ ჯგირი არზინ, თიშ მათხილე რდჷ პროფესიონალი მალჷმორი დო ოლივერს ფარა მიოხირჷ, გოლახჷ დო ზუღას ქინაჸოთჷ, მორო წყარქ თინა ვირვილერ კოკის გეკაჸოთჷ. წანეფიშ გოძვენას დუდს ეიჯუმუანდ ხეშნაღოლემ შქვილით დო საგანით, თინეფიშ ხვარებას თინა ბაღანობაშე რდჷ მერჩქვანელი. ოლივერიშ ინსტიქტეფი დღაშე დღაშა იუჯგუშებუდ დო რსხულიშ ფორმა იუჯგუშებუდ. ართ დღას თიშ ყურდოება ფურინჯიქ აკარღჷ დო ოლივერქ გინოჭყვიდჷ თინეფიშ თოლჸუჯი მიკიჯინუკონ,ათეშენ პასურო ტყვა-ფუშქაშიშე ქაათეს, მორო თიქ გილულუ ფურინჯიშ ქვარქვანტი დო გითაჸოთჷ დო მიოგორუ, ნამდა თე ხანიშ გოძვენას თინა ხვალე ვარდჷ კოკისჷნ. თელ კოკიშ მახორობა შქურნაფილი აფუდჷ ოსურს ჩაინა ვაიიდი. თიშო მუშენდ ოლივერ ქუინიშ მათხილე. თიქ დომერეხ ელმოლიშ ნარკოკარტელი, მუსით თექიანეფით ოხვარუდესჷნ, ათეშ უკული მუს დერსხჷ მუშ ფილოსოფიაქ დო გინოჭყვიდჷ უსამართალებაწკჷმა ლჷმა. მახორობაქ თის წვანე საგანი გიოდუ დო თინა თე ჯოხონობას გიმირინუანდ სტარლინგ სითის დორთინაშ უკულით. თინა მილიონერი რდჷ, ქიღოლუ ახალი კოსტუმი დო მუში შქვილი დო საგანი გაუჯგუშჷ. მალას თის ქაკათჷ როი ჰარპერქ დო უჩა მაფშალიაქ.

წვანე საგანი
Green Arrow (Modern Version).jpg
ისტორია
გიშმაშქუმალარი DC კომიქსეფი
დებიუტი 1941
ავტორ(ეფ)ი მორტონ ვისინგერი, ჯოჯჯ პაბი
დოხასიათაფა
ალტერ ეგო ოლივერ ქუინი
ბუნა ადამიერი
მორსხუეფი ბეტმენი, სუპერმენი, მერეთი-ოსური, წვანე ნოთე, ვალი, სამართალიანობაშ ლიგა, უჩა მაფშალია, სფიდი
შესალებუეფი ტაქტიკაშ ხაზირუა, ყამა დო საგანეფიშ გიმორინაფა, ნძალა, გარზება

რესურსეფი ინტერნეტისრედაქტირაფა

სქოლიორედაქტირაფა