ჭალე (წალენჯიხაშ მუნიციპალიტეტი)
ჭალე — ოფუტე საქორთუოს, სამარგალო-ჟიმოლენი შონეშ აკანიშ წალენჯიხაშ მუნიციპალიტეტის,[1] იდვალუაფუ წყარმალუ ინგირიშ მარძგვანი პიჯის, აფხაზეთიშ ავტონომიური რესპუბლიკაშ ადმინისტრაციული თანჯაშ გოხოლუას. ზუღაშ დონეშე 240 მეტრას, ნ. წალენჯიხაშე დოჩილითაფირი რე 24 კილომეტრით, ნ. ჯვარშე 6 კმ-ით. 2014 წანაშ ეჭარუაშ მუნაჩემეფით ოფუტეს ოხორანს 900 კოჩი.[2]
| ოფუტე
ჭალე
|
ჭალე ჭალეშ თემიშ ცენტრი რე. თემშა თაშნეშე მიშმურს ოფუტეეფი: ეწერფერდი დო ფოცხოენწერი. 2008 წ. რუსეთ-საქორთუოშ ლჷმაშ პერიოდის ოფუტეშ მინალუწკჷმა გერედჷ რუსეთიშ საოკუპაციო ჯარეფიშ ბლოკ-ოჯინუ.[3]
ჭალეშ თემიშ ტერიტორიას ფუნქციონირენს სუმი სკოლა, ჟირი ობაღანე ბაღი, ამბულატორია, ოკონცერტე დარბაზი, ოთხი ოკუჩხბურთე მოედანი. თემიშ აკოდგინალუას რე ნოღაშ ტიპიშ დოხორინი ფოცხოენწერი, სოდეთ მოხვადჷ გინორაჸილ პიჯეფიშ ინოხორინქ. თემიშ რწმუმაფილი რე ავთანდილ მანია, დეპუტატი რაიონულ ოკათუეშის - დავით ხასაია.
ლიტერატურა
რედაქტირაფა- ქორთული სხუნუეფიშ ენციკლოპედია, ტ. 11, ხს. 380, ქართი, 1987 წანა.
სქოლიო
რედაქტირაფა- ↑ საქორთუოშ ადმინისტრაციულ-ტერიტორიული ართურეფი Archived 2013-09-19 ვებ-ხასჷლას Wayback Machine.
- ↑ მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). კითხირიშ თარიღი: 7 ნოემბერი, 2016.
- ↑ შსს საქორთუოს რუსეთიშ ჯარეფშენ მუნაჩემეფს ობჟინუანს[ღურელი რსხილი]. სივილ ჯორჯია. 30 მარაშინათუთა 2008.