ხანტეფი
ხანტეფი (დორხველი ჯოხოდვალა Ханти, ხანტი — „ადამიერი“) — ფინურ-უგარული ბუნაშ კათა. ოხორანა რუსეთიშ წყარმალუეფიშ ობიშ, ირტიშიშ დო თინეფიშ ნადუეფიშ წყარპიჯეფს. ხანტეფი უმენტაშო ოხორანა ტიუმენიშ ოლქის, იამალ-ნენეფიშ (ხანტეფიშ 30,5%) დო ხანტი-მანსიშ (59,7 %) ავტონომიურ ოკრუგეფს, თაშნეშე ტომსკიშ ოლქის (3 %) დო კომიშ რესპუბლიკას (0,3 %). მუდანობა 31 500 (2010, ეჭარუა). რაგადანა ხანტი ნინაშა. გიშმართჷნა ხანტეფიშ სუმი ბუნას: ოორუეშ, ობჟათეშ დო ბჟაეიოლიშ. ხანტეფიშ ეთნოგენეზიქ დიჭყჷ ჯვ.წ. I ვითწანურაშ დათებუს აბორიგენი მახორობაშ დო მოულირი ფინურ-უგარული ტომეფიშ ესვარუაშ ოსხირშა. ტრადიციულო მეთხოზჷნა მეჩხომალას, მაჯინობას დო მეერემალას. რელიგია — შამანიზმი დო მართლმადიდებელობა. მითახორანა თ.ჯ. ჩუმეფს.
ლიტერატურა რედაქტირაფა
- ქორთული სხუნუეფიშ ენციკლოპედია, ტ. 11, ხს. 432, ქართი, 1987 წანა.
რესურსეფი ინტერნეტის რედაქტირაფა
- Ханты Archived 2006-04-11 ვებ-ხასჷლას Wayback Machine.
- Словарь народа Ханты Archived 2008-01-12 ვებ-ხასჷლას Wayback Machine.
- Хантыйские музыкальные инструменты Archived 2007-09-28 ვებ-ხასჷლას Wayback Machine.
- Виртуальное стойбище хантов и манси Archived 2020-10-28 ვებ-ხასჷლას Wayback Machine.
- Мифология хантов Archived 2015-09-24 ვებ-ხასჷლას Wayback Machine.