ჯონ ჩარლზ ფილდსი (ინგლ. John Charles Fields; დ. 14 მესი, 1863, ჰამილტონი, ონტარიო — ღ. 9 მარაშინათუთა, 1932, ტორონტო, ონტარიო) — კანადარი მათემატიკოსი, ფილდსიშ მენდალიშ დუმარსხუაფალი. გურაფულენდჷ ტორონტოშ უნივერსიტეტის, უკულ გურაფა გაგინძორჷ ჯონ ჰოპკინსიშ უნივერსიტეტის, ბალტიმორს (მერილენდი, ააშ). ოდოქტორე დისერტაცია თხილუ 1887 წანას. გურაფაშ თებაშ უკულ ფილდსი მუშენდჷ ჯონ ჰოპკინსიშ უნივერსიტეტის. 1890-იან წანეფს ფილდსიქ ოცხოვრებშა ევროპაშა მიდართჷ, სოდეთ გეჩინებაფუ ევროპაშ გიშარჩქინელი მათემატიკოსეფი: კარლ ვეიერშტრასი, ფელიქს კლეინი, ფერდინანდ გეორგ ფრობენიუსი დო მაქს პლანკი. 1902 წანას ფილდსიქ კანადაშა დირთჷ დო მუშობა ქიდიჭყჷ ტორონტოშ უნივერსიტეტის. ჸათე პერიოდის ფილდსიშ ხეშშენწყუალათ დირსხუ კანადაშ რკვიებეფიშ ერუანულ სხუნუქ დო ონტარიოშ რკვიებეფიშ ფონდიქ. 1919-1925 წანეფს ფილდსი მუშენდჷ კანადაშ ომაფე ინსტიტუტიშ პრეზიდენტო. ფილდსიშ ინიციატივათ 1924 წანაშ ტორონტოს იტარინჷ მათემატიკოსეფიშ საირქიანო კონგრესიქ. ფილდსიშ მენცარული ნახანდეფი უმოსო ორხველუდჷ ალგებრაშ ფუნქციეფიშ თეორიეფს. ფილდსი უმოსო შინელი რე ფილდსიშ მენდალიშ დორსხუაფათ. ფილდსიშ მენდალი პრესტიჟული ჯილდო რე დო თის მათემატიკაშ ნობელიშ პრემიას ხოლო უძახუნა. ფილდსიქ ღურუ 1932 წანაშ 9 მარაშინათუთას. ფილდსიქ ანდერძით დიტუ $47,000 ფილდსიშ ფონდიშ დო მენდალიშ ოფინანსებელო. ჯონ ჩარლზ ფილდსი რდჷ კანადაშ ომაფე ჯარალუაშ დო ლონდონიშ ომაფე ჯარალუაშ მაკათური. ფილდსიშ ჯოხონობაშ რე ტორონტოშ უნივერსიტეტიშ მათემატიკაშ ინსტიტუტი.

ჯონ ჩარლზ ფილდსი
ინგლ. John Charles Fields
დაბადებაშ თარიღი:

14 მესი, 1863

დაბადებაშ აბანი:

ჰამილტონი, ონტარიო

ღურაშ თარიღი:

მარაშინათუთა 9, 1932 (69 წანერი)

ღურაშ აბანი:

ტორონტო, ონტარიო

მენოღალობა:

კანადაშ შილა კანადა

ომენცარე სფერო:

მათემატიკა

სამუშაშ აბანი :

ტორონტოშ უნივერსიტეტი
ჯონს ჰოპკინსიშ უნივერსიტეტი

ალმა-მატერი:

ტორონტოშ უნივერსიტეტი

ჯოხოშინელი მოგურაფეეფი:

სემიუელ ბიტი

ჩინებული რე მუჭოთ:

ფილდსიშ მენდალიშ დუმარსხუაფალი

ჯილდოეფი დო პრემიეფი:

კანადაშ ომაფე ჯარალუაშ მაკათური (1907)
ლონდონიშ ომაფე ჯარალუაშ მაკათური (1913)

ქოძირით თაშნეშე რედაქტირაფა

რესურსეფი ინტერნეტის რედაქტირაფა