ჯონ ჰასბრუკ ვან ფლეკი

ჯონ ჰასბრუკ ვან ფლეკი
	ჯონ ჰასბრუკ ვან ფლეკი
	ინგლ. John Hasbrouck Van Vleck
	; ვან ფლეკი 1974 წანას
დაბადებაშ თარიღი:	13 მელახი, 1899
დაბადებაშ აბანი:	მიდლთაუნი, კონექტიკუტი, ააშ
ღურაშ თარიღი:	გჷმათუთა 27, 1980 (81 წანერი)
ღურაშ აბანი:	კემბრიჯი, მასაჩუსეტსი, ააშ
მენოღალობა:	ააშ
ომენცარე სფერო:	ფიზიკა
სამუშაშ აბანი :	მინესოტაშ უნივერსიტეტი; ვისკონსინიშ უნივერსიტეტი; ჰარვარდიშ უნივერსიტეტი; ოქსფორდიშ უნივერსიტეტი
ალმა-მატერი:	ვისკონსინიშ უნივერსიტეტი; ჰარვარდიშ უნივერსიტეტი
ომენცარე ხემანჯღვერი:	ედვინ კემბლი
ჯოხოშინელი მოგურაფეეფი:	ფილიპ უორენ ანდერსონი; ჯონ ვინსენტ ატანასოვი; ტომას კუნი; ედუარდ მილს პერსელი; რობერტ სერბერი; ჯონ ბარდინი
ჯილდოეფი დო პრემიეფი:	ირვინგ ლენგმიურიშ პრემია (1965); მენცარობაშ ერუანული მენდალი (1966); ელიოტ კრესონიშ მენდალი (1971); ლორენციშ მენდალი (1974); ნობელიშ პრემია ფიზიკას (1977); ამერიკაშ ხელუანობეფიშ დო მენცარობეფიშ აკადემიაშ მაკათური (1934); მენცარობეფიშ ერუანული აკადემიაშ მაკათური (1935); ლონდონიშ ომაფე ჯარალუაშ ურცხოალი მაკათური (1967)

ჯონ ჰასბრუკ ვან ფლეკი (ინგლ. John Hasbrouck Van Vleck; დ. 13 მელახი, 1899 — ღ. 27 გჷმათუთა, 1980) — ამერიკალი ფიზიკოსი დო მათემატიკოსი. მონგარი რსხულეფს (Solids) ელექტრონული მაგნეტიზმიშ რჯებეფიშ რკვიებაშ გეშა გინოჩეს ნობელიშ პრემია ფიზიკაშ დარგის 1977 წანას.

გურაფულენდჷ ვისკონსინიშ უნივერსიტეტის, სოდეთ მიპალუ ბაკალავრიშ ხარისხი. უკულ გურაფა გაგინძორჷ ჰარვარდის, სოდეთ თხილუ ოდოქტორე დისერტაცია 1922 წანას, ედვინ კემბლიშ ხემანჯღვერობათ. 1923 წანას, ვან ფლეკიქ მუშობა ქჷდიჭყჷ მინესოტაშ უნივერსიტეტის, ასისტენტ-პრიფესორო. შხვადოშხვა ბორჯის მუშენდჷ ვისკონსინიშ, ჰარვარდიშ დო ოქსფორდიშ უნივერსიტეტეფს. მაჟირა მოსოფელიშ ლჷმაშ მიმალობას, ვან ფლეკი ოკათუდჷ მანჰეტენიშ პროექტის.

ომენცარე კარიერაშ გოძვენას, ჯონ ვან ფლეკიქ მიშეღჷ კაბეტი თია მაგნეტიზმიშ კვანტურ-მექანიკური თეორიაშ, თაშნეშე კრისტალური ვეშ თეორიაშ დო ლიგანდიშ ვეშ თეორიაშ ოსხირეფიშ გოვითარაფაშა. ვან ფლეკი მერჩქინელი რე თეხანური მაგნეტიზმიშ მუმათ.

ვან ფლეკი რდჷ შხვადოშხვა პრესტიჟული ჯილდოეფიშ დო პრემიეფიშ ლაურეატი. ნობელიშ პრემიაშ მოხ, ვან ფლეკიქ მიპალუ ირვინგ ლენგმიურიშ პრემია 1965 წანას, მენცარობაშ ერუანული მენდალი 1966 წანას, ელიოტ კრესონიშ მენდალი 1971 წანას დო ლორენციშ მენდალი 1974 წანას. 1935 წანას ვან ფლეკიქ გიშაგორილქ იჸუ მენცარობეფიშ ერუანული აკადემიაშ მაკათურო დო 1967 წანას ლონდონიშ ომაფე ჯარალუაშ ურცხოალი მაკათურო. ვან ფლეკიქ ღურუ 1980 წანაშ 27 გჷმათუთას, 81 წანერქ. დასაფულებური რე ფორესტ-ჰილიშ სასაფლას, ვისკონსინს.

ლიტერატურა

ენციკლოპედია ბრიტანიკა
ვან ფლეკი Nobelprize.org-ის

ჯონ ჰასბრუკ ვან ფლეკი
ინგლ. John Hasbrouck Van Vleck
ვან ფლეკი 1974 წანას
დაბადებაშ თარიღი:	13 მელახი, 1899
დაბადებაშ აბანი:	მიდლთაუნი, კონექტიკუტი, ააშ
ღურაშ თარიღი:	გჷმათუთა 27, 1980 (81 წანერი)
ღურაშ აბანი:	კემბრიჯი, მასაჩუსეტსი, ააშ
მენოღალობა:	ააშ
ომენცარე სფერო:	ფიზიკა
სამუშაშ აბანი :	მინესოტაშ უნივერსიტეტი ვისკონსინიშ უნივერსიტეტი ჰარვარდიშ უნივერსიტეტი ოქსფორდიშ უნივერსიტეტი
ალმა-მატერი:	ვისკონსინიშ უნივერსიტეტი ჰარვარდიშ უნივერსიტეტი
ომენცარე ხემანჯღვერი:	ედვინ კემბლი
ჯოხოშინელი მოგურაფეეფი:	ფილიპ უორენ ანდერსონი ჯონ ვინსენტ ატანასოვი ტომას კუნი ედუარდ მილს პერსელი რობერტ სერბერი ჯონ ბარდინი
ჯილდოეფი დო პრემიეფი:	ირვინგ ლენგმიურიშ პრემია (1965) მენცარობაშ ერუანული მენდალი (1966) ელიოტ კრესონიშ მენდალი (1971) ლორენციშ მენდალი (1974) ნობელიშ პრემია ფიზიკას (1977) ამერიკაშ ხელუანობეფიშ დო მენცარობეფიშ აკადემიაშ მაკათური (1934) მენცარობეფიშ ერუანული აკადემიაშ მაკათური (1935) ლონდონიშ ომაფე ჯარალუაშ ურცხოალი მაკათური (1967)