ჯორდანო ბრუნო

ჯორდანო ფილიპო ბრუნო (დ. 1548, ნოლა, ნეაპოლიშ გოხოლუას — ღ. 17 ფურთუთა, 1600, რომი) — იტალიარი ასტრონომი, ასტროლოგი, ფილოსოფოსი დო პოეტი, დომინიკარეფიშ ორდენიშ მაკათური, პანთეიზმიშ წჷმმარინაფალი.

ჯორდანო ფილიპო ბრუნოშ ნოჭახნაკუ ნოღა რომს, იტალია.

1592 წანას კათოლიკური ეკლესიაშ მოინალეეფქ ბრალო გიოდვეს ერეტიკოსობა დო დუდიშული აზჷრი. 8 წანაშ განწხანს ჯორდანო ბრუნო ჯიხას ხედჷ, ოდო 1600 წანაშ 17 ფურთუთას თინა დაჩხირს დოჭვეს.

ბრუნოქ მუში ფილოსოფიური აზჷრეფი წჷმარინუ ნახანდეფს: „ბაძაძიშ, დოჭყაფუშ დო ართიანიშ გეშა“, 1584 წანა; „მონადიშ, რიცხუშ დო ფიგურაშ გეშა“, 1591 წანა; „უგმუზიმუშ დო აუარებელიშ გეშა“, 1591 წანა; ბრუნოშ აზჷრით ოქიანუ უგუთებუ რე, თინა ართნერი (ართი დო იგივე ელემენტეფშე - ჰვაშ, დაჩხირიშ, დიხაშ, წყარიშ დო ეთერშე აკოდგინელი) დო ართი დოჭყაფუშე - მონადიშე გუმნაველი სისტემა რე, ნამუსუთ უღუ ახალ-ახალი ფორმეფიშ გოჭყაფაშ უნარინ.

ლიტერატურა

• ქორთული სხუნუეფიშ ენციკლოპედია, ტ. 2, ხს. 540, ქთ., 1977 წანა.

რესურსეფი ინტერნეტის

• ჯორდანო ბრუნოშ ნახანდეფი საქორთუოშ საჯარო ბიბლიოთეკაშ ვებხასჷლას^{[ღურელი რსხილი]}