ჰამასი
ჰამასი — "ჰარაკატ ალ-მუქავამაჰ ალ-ისლამიიაჰ"-იშ აკრონიმი რე (არაბ. حركة المقاومة الاسلامية, ბონი შანულობა: "ისლამური აწორინალაშ ყარაფი") — პალესტინაშ სუნიტური-ისლამისტური ფუნდამენტალური ყარაფი,[1][2] ნამუთ მეჭედელო რე მერსხილი მუსლიმურ საჯიმალოწკჷმა. ჰამასიშ ღანკი რე პალესტინაშ გოდუდიშულაფა ისრაელიშ ოკუპაციაშე დო წყარმალუ იორდანეშ ბჟადალი წყარპიჯის ისლამური რესპუბლიკაშ დორსხუაფა.[3][4]
|
აწორინალაშ ისლამური ყარაფი | ||
|---|---|---|
| ქიანა |  პალესტინა |
|
| ლიდერი | იაჰია სინვარი | |
| დირსხუ | ქირსეთუთა 10, 1987 | |
| იდეოლოგია | პალესტინური ნაციონალიზმი ისლამიზმი ისლამური ნაციონალიზმი ანტისიონიზმი ანტისემიტიზმი ანტიკომუნიზმი ანტიიმპერიალიზმი |
|
| ფერეფი | წვანე | |
| შტაბ-ორენი | ღაზა, ღაზაშ სექტორი | |
|
|
||
ჰამასი ტერორისტულ ორგანიზაციათ რე მერჩქინელი ევრორსხუშით, კანადაშთ, ააშ-ით დო ისრაელიშით დო ჰამასიშ გენთხაფეფი ისრაელიშ მენოღალეეფშა დო შხვა ადამიერიშ ნებეფიშ აკორციებაშ ფაქტეფი გადღანებულქ იჸუ გოეროშ ადამიერიშ ნებეფიშ კომისიაშ, ოერეფოშქაშე ამნისტიაშ დო ჰუმან რაითს ვოჩიშით. თე ორგანიზაცია გიშაკერძაფილო პოპულარული რე პალესტინარეფ შქას, ღაზაშ სექტორს, მორო თის ძალამ მიარე გემაჸვენჯი ჸუნს ბჟადალი წყარპიჯისჷთ დო შხვა ქიანეფიშ პალესტინაშ დიასპორას, ისრაელიშამო. თე ყარაფიშ პოპულარობა გოპიჯაფილი რე თიშით პალესტინაშ დაღარეფშო შენწიებაშ დო სოციალური უნარღელჸოფაშ მანჯებაშ დო, ნორთობურო, აკოანჯარაფილი ქიმინჯეფით. არაბული ოქიანუშ გალე, ჰამასი ჩინებული რე დუდმაჸვილე ამაფეთქებელეფით ისრაელიშ მეჭედელო დოხორელ ურბანულ რეგიონეფს. ორგანიზაცია, მუჭოთ წესი, თეჯგურა დუდმაჸვილუეფიშ ფანიეფს ხვეიან კომპენსაციას გინმუგანს.
ორგანიზაციაშ ღანკი რე აკაართიანას პალესტინა ისლამური სახენწჷფოშ გიმე, ნამუთ ედომუშამო გეშაჯალაგანს ისრაელს. (ისრაელიშ სახენწჷფოშით მერჩქინელი რე საბაბო თიშოთ, ნამჷ-და თე ორგანიზაციაშ ლიდერეფი ჭარგალერეფქ იჸუანჷნ.) ჰამასიშ ლიდერეფიშ ჭარგალუაშ ცადებეფქ მანჯებულქ იჸუ ისრაელიშ ოჰეერე ნძალეფიშით ისლაელიშით ოკუპირაფილ ტერიტორიეფს, თეწკჷმა შხვა მეთოდეფით ხოლო, თინეფს შქას ავტომანქანეფიშ აფეთქებათ, დაჩხიმაჸათამუ ანჯარით, მუმაწამალარი ინიექციეფით მოსადიშ აგენტეფიშით, ისრაელიშ დო ოკუპირებაფილ ტერიტორიეფიშ გალე.
სქოლიო
რედაქტირაფა- ↑ Anthony H. Cordesman.Peace and War: The Arab–Israeli Military Balance Enters the 21st Century. Greenwood Publishing Group. 2002. p. 243: "Hamas is a radical Islamic fundamentalist organization that has stated that its highest priority is a Jihad (holy war) for the liberation of Palestine."
- ↑ Meir Litvak. "Hamas: Palestinian Identity, Islam, and National Sovereignty," in Asher Susser (ed.) Challenges to the Cohesion of the Arabic State. Moshe Dayan Center for Middle Eastern and African Studies. Tel Aviv University. 2008. p. 153: 'One of the secrets behind the success of Hamas is that it is an Islamic and national movement at one and the same time,'
- ↑ Hamas (Islamic Resistance Movement), http://www.ict.org.il
- ↑ "Israeli Official Says Hamas Has Made Abbas Irrelevant" The New York Times, February 27, 2006
ლიტერატურა
რედაქტირაფა- Mishal, Shaul (2006). The Palestinian Hamas: Vision, Violence, and Coexistence. New York: Columbia University Press. ISBN 978-0231140072.
- Mueller, Sebastian (June 6, 2006). Hawala. An Informal Payment System and Its Use to Finance Terrorism, 1, Saarbrücken, Germany: VDM Publishing, ხს. 84. ISBN 978-3-86550-656-6.
- Roy, Sara (2011). Hamas and Civil Society in Gaza: Engaging the Islamist Social Sector. Princeton, NJ: Princeton University Press. ISBN 978-0-691-12448-3.
- Yousef, Mosab Hassan (March 3, 2010). Son of Hamas. Carol Stream, Illinois: Tyndale House, ხს. 288. ISBN 978-1-4143-3307-6.
რესურსეფი ინტერნეტის
რედაქტირაფა
- ოფიციალური ვებ-ხასჷლა (ინგლ.)
- ოფიციალური ვებ-ხასჷლა (არაბული)
- Britannica
- Hamas leaders Archived 2009-03-27 ვებ-ხასჷლას Wayback Machine. Council on Foreign Relations.
- Hamas Charter
- The Covenant of the Islamic Resistance Movement (Hamas) (includes interpretation)
- Hamas Shifts From Rockets to Public Relations