ჰელენ სოიერ ჰოგი
ჰელენ ბეთლზ სოიერ ჰოგი (ინგლ. Helen Battles Sawyer Hogg; დ. 1 მარაშინათუთა, 1905, ლოუელი, მასაჩუსეტსი, ააშ — ღ. 28 ღურთუთა, 1993, რიჩმონდ-ჰილი, ონტარიო, კანადა) — ამერიკალი დო კანადარი ასტრონომი. მიშეღჷ დიდი თია გლობულური გვართეფიშ დო მათირუ მურიცხეფიშ რკვიებაშა.
| ჰელენ სოიერ ჰოგი | |
| ინგლ. Helen Sawyer Hogg | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 28, 1993 (87 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ენი ჯამპ კენონიშ პრემია (1949) |
დებადჷ მასაჩუსეტსიშ ნოღა ლოუელის. გურაფულენდჷ ქიმიას მაუნთ-ჰოლიოკიშ კოლეჯის. უკულიანი პერიოდის ენ სიუიელ იანგიშ დო ენი ჯამპ კენონიშ გოლინათ ასტრონომიათ დეინტერესჷ. მაუნთ-ჰოლიოკიშ კოლეჯიშ უკულ, გურაფა გაგინძორჷ ჰარვარდიშ უნივერსიტეტის, სოდეთ ჰოგი მუშენდჷ გიშარჩქინელი ასტრონომი ჰარლოუ შეპლიწკჷმა. 1931 წანას თხილუ ოდოქტორე დისერტაცია რედკლიფიშ კოლეჯის.
დომინიონიშ ასტროფიზიკური ობსერვატორიას მუშობაშ ბორჯის, ჰოგიქ 72 ინჩიანი რეფლექტორული ტელესკოპით, გიმირკვიუ მათირუ მურიცხეფი, აკადგინჷ თინეფიშ ბარჩხალიშ ციკლიშ კატალოგი. თაშნეშე, ჰოგიქ მიოგორუ 132 მათირუ მურიცხის გლობულური გვართა მესიე 2-შ დინახალე.
1935 წანას ჰოგიქ ომუშებუშა გინილჷ ტორონტოშ უნივერსიტეტიშა. უნივერსიტეტიშ ობსერვატორიას მუშობაშ ბორჯის, ჰოგიქ აკეთჷ ანთასობათ მათირუ მურიცხიშ იდენტიფიკაცია. 1939 წანას ჰოგიქ გჷმაბჟინუ "გლობულური გვართეფიშ 1116 მათირუ მურიცხიშ კატალოგი". მუში ომენცარე კარიერაშ გოძვენას ჰოგიქ აკადგინჷ ჸათეცალი სუმი კატალოგი. თაშნეშე, ჰოგიქ მიშეღჷ კაბეტი კონტრიბუცია ჩქინი გალაქტიკაშ ხანიშ, ზომაშ დო სტრუქტურაშ რკვიებაშა.
ჰელენ სოიერ ჰოგი მუშენდჷ შხვადოშხვა ომენცარე ინსტიტუტეფს დო რდჷ შხვადოშხვა პრესტიჟული ჯილდოეფიშ დო პრემიეფიშ ლაურეატი. თიში ჯოხონობაშ რე ართი ასტეროიდი. ვატერლოოშ უნივერსიტეტიქ დარსხუ ჰელენ სოიერ ჰოგიშ ჯოხონობაშ სტიპენდია ასტრონომიაშ პროგრამაშ სტუდენტეფიშო.
რესურსეფი ინტერნეტის
რედაქტირაფა- U.Toronto biography
- Biography
- Helen Sawyer Hogg Honored
- Out of Old Books: Essays on the History of Astronomy by Helen Sawyer Hogg
- Bibliography from the Astronomical Society of the Pacific
- Helen Sawyer Hogg archival papers held at the University of Toronto Archives and Records Management Services